گه‌ڕان

Shadow Shadow
سیاسه‌تی

مەسرور بارزانی زانیاری لەسەر گرێبەستی 50 ساڵەی نەوتی هەرێم ئاشکرا دەکات

2020.12.09 - 13:11
App store icon Play store icon Play store icon
مەسرور بارزانی زانیاری لەسەر گرێبەستی 50 ساڵەی نەوتی هەرێم ئاشکرا دەکات

ناس کورد-

مەسرور بارزانی، سەرۆکى حکومەتی هەرێم دەڵێت، بەشێکی زۆر لەو زانیارییانەى لەبارەى ڕێککەوتنی 50 ساڵە لەگەڵ تورکیا ڕاست نین و جەخت دەکاتەوە کە "ئەو گرێبەستە تەنها بۆ ڕاکێشانی بۆری نەوتی هەرێمە لە ڕێگەی تورکیاوە نەک بۆ فرۆشتنی نەوتەکە." 

کەناڵی ناس کورد لە تێلیگرام جۆین بکە   

 

مەسرور بارزانی لە کۆنفرانسێکی رۆژنامەوانیدا کە ناس کورد بینیویەتی (9ی کانونی یەکەمی 2020) دەڵێت، "کابینەکانی پێشووی حکومەتی هەرێم بەهۆی بڕینی بەشە بودجەى کوردستان لەلایەن بەغداوە ناچار بوون بە سەربەخۆیی نەوتەکەى بفرۆشێت، بۆیە لەگەڵ چەند کۆمپانیایەکی نێودەوڵەتی گرێبەستی کردووە، ئەوەش مافێکی دەستوری هەرێمی کوردستانە."

 

دەشڵێت، "گرێبەستی 50 ساڵە لەگەڵ تورکیا تەنها بۆ ڕاکێشانی بۆری و نەوتی هەرێمی کوردستانە بە تورکیادا و هیچ نەوتێکی پێشوەختە بە تورکیا نەفرۆشراوە."

 

جەختیشی کردەوە کە "ئێمە بەو گرێبەستانەدا چووینەتەوە بەڵام هێشتا تەواو نەبوون."

 

سەرۆکوەزیرانی هەرێمی کوردستان ڕاشیگەیاند، لەگەڵ داواکاریی رەوای خەڵکی هەرێمی کوردستاندان و پشتگیری لە خۆپێشاندانی هێمنانە دەکەن "بەڵام ئەوەی ئەم چەند ڕۆژە بینیمان ئاراستەی خۆپێشاندان گۆڕان بەتایبەتی لەلایەن هەندێک کەسەوە".

 

دەشڵێت، هەموو هەوڵێکمان ئەوەیە ئەم دۆخە راست بکەینەوە. داوایشی لە خەڵکی هەرێمی کوردستان کرد "لە مەترسیی ئەم دۆخە تێبگەن".



سەرۆکوەزیرانی هەرێمی کوردستان ئاماژەی بەوە کرد، "دەستی دەرەکی لەنێو خۆپێشاندەراندان، پێشمەرگە "بە گولـلەی قەناس شەهیدکراوە و بە روومانە هێرشکراوەتە سەر بارەگاکان، خۆپێشاندەر ئەوە ناکات."