گه‌ڕان

Shadow Shadow
چیرۆكه‌كانمان

دڵنیام کوردانى باکور دووبارە هەڵناخەڵەتێن

محەمەد پێنجوێنى: بڕیارى لابردنى گۆشەگیرى ئۆجەلان بۆ کۆکردنەوەى دەنگە

2019.05.17 - 11:37
App store icon Play store icon Play store icon
محەمەد پێنجوێنى: بڕیارى لابردنى گۆشەگیرى ئۆجەلان بۆ کۆکردنەوەى دەنگە

کەناڵی ناس کورد لە تێلیگرام جۆین بکە   

ناس كورد- فوئاد عەبدوڵا پاش بڕیارى لابردنى گۆشەگیرى سەر عەبدوڵا ئۆجەلان ڕابەرى زیندانیکراوى پەکەکە، محەمەد پێنجوێنى ڕایدەگەیەنێت، ئەو بڕیارەى حکومەتى تورکیا لەژێر فشارى ناوخۆیی و دەرەکیدا بووە و مەبەستیش لێى کۆکردنەوەى دەنگى کوردانى ئەستەنبولە. . محەمەد پێنجوێنى چاودێرى سیاسى و شارەزا لە کاروبارى تورکیا، لەبارەى بڕیارى حکومەتى تورکیا بۆ لابردنى گۆشەگیرى سەر ئۆجەلان، تایبەت بە ناس کورد-ى ڕاگەیاند: "بڕیاری هەڵگرتنی گۆشەگیری لەسەر عەبدوڵا ئۆجەلان ڕیبەری پەکەکە، کە لە زیندانی ئیمیڕالیدایە، بڕیارێكە لەژێر فشاری ناوخۆیی و دەرەكیدا دراوە، ئەویش مانگرتنی هەزاران كەسە لە ناوخۆ و دەرەوەی توركیا، كە هەندێكیان مانگرتنی تا مردنە، ئەوەش دەنگدانەوەی ئەو هەوڵوێستانەیە لە میدیاكاندا". . پێنجوێنى ئاماژەى بەوەشکرد، لە وتارەكانی سەرۆكوەزیرانی بەریتانیا و فەڕەنسا باس لە مانگرتنى کوردان کراوە دژ بە گۆشەگیرى ئۆجەلان، دەشڵێت، قوڵكردنەوەی ئەو پرسە لە میدیاكانی ئەوروپادا، هۆكارێكی ترە بۆ دەركردنی ئەو بڕیارە. . "ئەبێت بیرمان نەچێت ڕەوشی سیاسی و حكومڕانی ئێستای توركیا، ڕۆژ بە ڕۆژ بەرەو ئاڵۆزی دەچێت، لە ڕوی ئابوری و سیاسی و سەربازیشەوە بارودۆخى تورکیا خراپە، بۆیە  ئاکەپە بەم هەنگاوەى دەیەوێت دووبارە لە كوردەكان نزیك ببێتەوە و دەنگەكانیان مسۆگەر بکات لە هەڵبژاردنی داهاتووی شارەوانی ئەستەنبول، بەڕاى من ناتوانێت بەم هەنگاوەی جارێکى تر كوردەكان هەڵبخەڵەتێنێتەوە"، محەمەد پێنجوێنی وای وت . . لەبارەى هەلوێستەکانى پەکەکە لەبارەى ئەو بڕیارە نوێیەى تورکیاوە محەمەد پێنجوێنی دەڵێت، پەکەکە چاوەڕێیە تا دڵنیابێتەوە لە ڕاست و دروستى بڕیارەکە، ئایا بڕیارێكی كاتییە و تا هەڵبژاردنی ئەستەنبولە، یان بڕیارەکەى هەمیشەیی دەبێت؟. . دوێنێ پێنجشەممە 16/5/2019 عەبدولحەمید گیول، وەزیری دادی توركیا، ئاماژەی بەوە كرد، بڕیاری قەدەغەكردنی دیداری نێوان ئۆجەلان و پارێزەرەكانی هەڵگیراوە و چیدی رێگری ناكرێت لەو دیدارانە. . بە وتەی وەزیری دادی توركیا، لەمەودوا پارێزەران دەتوانن سەردانی ئیمراڵی بكەن و چاویان بە عەبدوڵا ئۆجەلان بكەوێت. . .