گه‌ڕان

Shadow Shadow
سیاسه‌تی

پارتی لە پیرەمەگرون: تەقەیەکی زۆر لە بارەگاکەمان دەکرێت

2020.12.07 - 20:21
App store icon Play store icon Play store icon
پارتی لە پیرەمەگرون: تەقەیەکی زۆر لە بارەگاکەمان دەکرێت

ناس کورد-

شیروان عەبدوڵا، بەرپرسی لیژنەى ناوچەی پیرەمەگرونی پارتی ڕایگەیاند، تەقەیەکی زۆر لە بارەگای ناوچەی پارتی دەکرێت.

کەناڵی ناس کورد لە تێلیگرام جۆین بکە   

 

شیروان عەبدوڵا لە لێدوانێکدا بۆ میدیای فەرمی پارتی کە ناس کورد بەدواداچوونی بۆ کردووە (7ی کانونی یەکەمی 2020) دەڵێت، هێزە ئەمنییەکان داوایان لێکردوون، بارەگای ناوچە چۆڵبکەن.

 

رۆژى (2 کانونی یەکەمی 2020) خۆپیشاندان لەدژى دواکەوتنى موچەى فەرمانبەران و خراپى دۆخى دارایی لە سلێمانیەوە دەستیپێکرد و رۆژى دواتر خۆپیشاندانەکە گرژى لێکەوتەوە، کاتێک هێزە ئەمنییەکان هەوڵیاندا رێگرى بکەن لە دەستپێکردنەوەى خۆپیشاندان.

 

رۆژانى دواتر خۆپیشاندان لەچەند ناوچەیەکى دیکەى سنورى پارێزگاى سلێمانى بەڕێوەچوو، رۆژى (6ى کانونى یەکەمى 2020) خۆپیشاندان لە پیرەمەگرون گرژى لێکەوتەوە و خۆپیشاندەران کۆمیتەى یەکێتى یان سوتاند و هەوڵى سوتاندنى بارەگاى پارتیاندا بەڵام لەلایەن پاسەوان و هێزێکى زۆرەوە دورخرانەوە.

 

رۆژى (7ی کانونی یەکەمی 2020) ژمارەیەک لە خەڵکانى ناڕازیی لە سەیدساق رژانە سەر شەقام و بارەگا حزبییەکانى پارتى و یەکێتى و گۆڕان و کۆمەڵ و یەکگرتوو، بیناى قایمقامیەت ئاگریان تێبەردرا.