گه‌ڕان

Shadow Shadow
سیاسه‌تی

خۆپیشاندەرێک لە کفری کوژرا

2020.12.07 - 20:11
App store icon Play store icon Play store icon
خۆپیشاندەرێک لە کفری کوژرا

ناس کورد-

ڕادیۆی دەنگی نوێ لە گەرمیان ڕایگەیاند، ئەو خۆپیشاندەرەى قەزای کفری کە ئەمشەو بریندار بوو، بەهۆی سەختی برینەکەیەوە گیانی لەدەستدا.

کەناڵی ناس کورد لە تێلیگرام جۆین بکە   

 

پەیامنێری ناس کورد لە کفرییەوە ڕایگەیاند، ئەو گەنجەى کوژراوە ناوی ئاکۆ سلێمانە و تەمەنی 19 ساڵە، ناوبراو لە بەردەم کۆمیتەی یەکێتی کفری کوژراوە.

 

سەرچاوەیەکی ئاگادار لە شاری کفری تایبەت بە " ناس کورد"ی ڕاگەیاند (7ی کانونی یەکەمی  2020)،  خۆپیشاندان لە کاتژمێر شەشی سەر لە ئێوارەی ئەمڕۆ لە شاری کفری دەستی پێکرد، خۆپیشاندەران بە ئاڕاستەی شەقامی سەرەکی  نێوان کۆمیتەی یەکێتی نیشتیمانی کوردستان و ناوچەی پارتی  بەڕێکەوتن".

 

وتیشی، "بەشێک لە خۆپیشاندەران چونە بەردەم بارەگای کۆمیتەی یەکێتی نیشتیمانی کوردستان لەئاکامدا تەقە دروست بووە و گەنجێکیش بەناوی ئاکۆ سلێمان بە گولـله کوژراوە".

 

 سەرچاوەکە ئاماژەی بەوەشکرد، "لە ئێستادا خۆپیشاندەران گەمارۆی بارەگەکەی یەکێتییان داوە داوای  ڕادەستکردنی ئەو تەقەکەران دەکەن کە تەقەیان لە خۆپیشاندەران کردووە".  

 

رۆژى (2 کانونی یەکەمی 2020) خۆپیشاندان لەدژى دواکەوتنى موچەى فەرمانبەران و خراپى دۆخى دارایی لە سلێمانیەوە دەستیپێکرد و رۆژى دواتر خۆپیشاندانەکە گرژى لێکەوتەوە، کاتێک هێزە ئەمنییەکان هەوڵیاندا رێگرى بکەن لە دەستپێکردنەوەى خۆپیشاندان.

رۆژانى دواتر خۆپیشاندان لەچەند ناوچەیەکى دیکەى سنورى پارێزگاى سلێمانى بەڕێوەچوو، رۆژى (6ى کانونى یەکەمى 2020) خۆپیشاندان لە پیرەمەگرون گرژى لێکەوتەوە و خۆپیشاندەران کۆمیتەى یەکێتى یان سوتاند و هەوڵى سوتاندنى بارەگاى پارتیاندا بەڵام لەلایەن پاسەوان و هێزێکى زۆرەوە دورخرانەوە.

رۆژى (7ی کانونی یەکەمی 2020) ژمارەیەک لە خەڵکانى ناڕازیی لە سەیدساق رژانە سەر شەقام و بارەگا حزبییەکانى پارتى و یەکێتى و گۆڕان و کۆمەڵ و یەکگرتوو، بیناى قایمقامیەت ئاگریان تێبەردرا.