گه‌ڕان

Shadow Shadow
سیاسه‌تی

دوو وەزیر دەچنە پەرلەمان

حکومەت و پەرلەمانی کوردستان چارەنوسی خوێندن یەکلایی دەکەنەوە

2020.12.06 - 10:22
App store icon Play store icon Play store icon
حکومەت و پەرلەمانی کوردستان چارەنوسی خوێندن یەکلایی دەکەنەوە

ناس کورد-

ئەمڕۆ هەردوو وەزیری پەروەردە و خوێندنی باڵای حکومەتی هەرێم دەچنە پەرلەمانی کوردستان و لەگەڵ لیژنەى پەروەردە تاوتوێی چارەنوسی خوێندنی ئەمساڵ و کرێی خوێندن و چەند پرسێکی تر دەکەن.

کەناڵی ناس کورد لە تێلیگرام جۆین بکە   

 

گەلاوێژ عوبەد عوسمان، بڕیاردەری لیژنه‌ى په‌روه‌رده‌ و خوێندنى باڵاو توێژینەوەی زانستی لە پەرلەمانی کوردستان بە "ناس کورد"ی وت، ئەمڕۆ ئالان حەمەسەعید، وەزیری پەروەردە و ئارام محەمەد، وەزیری خوێندنی باڵا و توێژینەوەی زانستی دێنە پەرلەمان و لەگەڵ لیژنەکەیان کۆدەبێنەوە لەبارەى چەند پرسێک بە خوێندن.


وتیشی، لە کۆبوونەوەکەدا باس خوێندنەوە دەکرێت بۆ دۆخی خوێندنی ئەمساڵ و چارەنوسی دیاری دەکرێت کە بڕیارە 7ی کانونی دووەمی 2021 دەستپێ بکاتەوە، "دوای ئەو بەروارەش لیژنەی باڵای ڕووبەڕووبوونەوەى کۆرۆنا بڕیاری پێویست دەدات."

 

جەختی کردەوە کە چەند تەوەرێکی تری وەک کرێی خوێندنی پاڕالێل و زانکۆ تایبەتەکان، چارەنووسی وانەبێژان و ماف و شایستە داراییەکانیان و مۆڵەتی خوێندن بۆ مامۆستایان و فەرمانبەرانی وەزارەتی پەروەردە بۆ خوێندنی باڵا تاوتوێ دەکرێت.