گه‌ڕان

Shadow Shadow
سیاسه‌تی

تەندروستیی خامنەیی تێکچوو

سەرچاوە ئێرانییەکان: بارودۆخى تەندروستیى خامنەیى خراپە

2020.12.05 - 19:37
App store icon Play store icon Play store icon
سەرچاوە ئێرانییەکان: بارودۆخى تەندروستیى خامنەیى خراپە

ناس کورد-

سەرچاوەکانى هەواڵى ئێران بڵاویانکردووەتەوە، خامنەیى بارودۆخى تەندروستى تێکچووە و مەترسى لەسەر ژیانى هەیە، دەسەڵاتەکانیشى گواستووەتەوە بۆ کوڕەکەى.

کەناڵی ناس کورد لە تێلیگرام جۆین بکە   

 

ماڵپەڕى "الحرة"ی ئەمەریکی (شەممە 5ى کانونى یەکەمى 2020) بڵاویکردووەتەوە، "محەمەد ئەهوازى" ڕۆژنامەنوسى ئێرانى لە هەژماری خۆى لەتۆڕى کۆمەڵایەتى تویتەر بڵاویکردووەتەوە، بەپێى سەرچاوەکانى هەواڵى ناوخۆیى ئێران بارودۆخى "عەلى خامنەیى" ڕێبەرى باڵاى شۆڕشى ئیسلامى ئێران تێکچووە، ئەوەش لەکاتێکدایە ئەو وڵاتە بە چەندین تەنگژەدا تێدەپەڕێت، دواترینیشیان کوشتنى دیارترین زاناى ئەتۆمى ئێرانى.

 

ئەوەش هاتووە، خامنەیى دەسەڵاتەکانى نوسینگەى ڕێبەرى باڵاى گواستووەتەوە بۆ "موجتەبا خامنەیى" کوڕى کە سەرپەرشتى چەندین دەزگاى ئەمنى و هەواڵگرى دەکات لە ئێران.

 

ئەهوازى ئەوەى ڕونکردووەتەوە، تائێستا دیار نییە تێکچوونى بارودۆخى خامنەیى بەهۆى نەخۆشى شێرپەنجەى پرۆستاتەوەیە کە ماوەیەکە لەگەڵیدایە یاخود بەهۆى نەخۆشیەکى ترەوە، لە ڕۆژى هەینییەوە بارودۆخى بەرەو خراپتربوون دەچێت و گەورە پزیشکانى ئێرانى لە نەخۆشخانەى "مسیح دانشورى" لە تاران بانگهێشکراون بۆ چاودێریکردنی

 

بەپێى ڕاپۆرتە ڕۆژنامەوانییەکان، لەناو ڕژێمى ئێراندا شەڕ بۆ دیاریکردنى شوێنگرەوەى خامنەیى تەمەن 81 ساڵ بەرپا بووە، دیارترین دوو پاڵێوراویش بریتین لە "موجتەبا خامنەیى" کوڕى کە 51 ساڵە و خوێندنى پێشکەوتوو لە حەوزەى ئایینى لە قوم دەخوێنێت، ئەوى تریان "ئیبراهیم رەئیسى" تەمەن 59 ساڵی سەرۆکى دەسەڵاتى دادوەرى ئێرانە کە ساڵى 2017یش هەڵبژاردنى سەرۆکایەتى لە بەرژەوەندى حەسەن ڕۆحانى دۆڕاند.