گه‌ڕان

Shadow Shadow
سیاسه‌تی

’’کۆبوونەوەیەکى ڕاشکاو’’

وادەى کۆبوونەوەى سێ قۆڵى پارتى و یەکێتى و گۆڕان راگەیەنرا

2020.12.05 - 13:40
App store icon Play store icon Play store icon
وادەى کۆبوونەوەى سێ قۆڵى پارتى و یەکێتى و گۆڕان راگەیەنرا

ناس کورد-

 

بزوتنەوەى گۆڕان رایگەیاند، ئەگەرەکان بەو ئاڕاستەیەن ئەم هەفتەیە یان سەرەتاى هەفتەى داهاتوو کۆبوونەوەى سێ قۆڵى لەنێوان بزوتنەوەکە و پارتى و یەکێتى بەڕێوەبچێت.

کەناڵی ناس کورد لە تێلیگرام جۆین بکە   

 

دلێر عەبدولخالق رێکخەرى ژورى رۆژنامەوانى بزوتنەوەى گۆڕان لەدواى کۆتایی کۆبوونەوەى هاتنى جڤاتى نیشتیمانى بزوتنەوەکە بە رۆژنامەنوسانى راگەیاند، کۆبونەوەى سێ قۆڵى راشکاو دەبێت و پێکەوە دادەنیشن بۆ قسەکردن لەسەر بژێوى خەڵک و دۆزینەوەى چارەسەر بۆ کێشەکان.

 

وتیشى "ئێمە لەگەڵ ئەوەداین هێزەکانى دیکەش لە پرسە نیشتیمانى و نەتەوەییەکان هاوبەشیان پێبکرێت و بۆچونیان وەربگیرێت".

 

دلێر عەبدولخالق باسى لەوەشکرد، گۆڕان لەگەڵ هەموو خۆپیشاندانێکى ئاشتیخوازانەدایە و داوا لە هێزە ئەمنییەکان دەکەن توندوتیژى بەرانبەر خۆپیشاندەران بەکارنەهێنێت.