گه‌ڕان

Shadow Shadow
سیاسه‌تی

بەڵام دڵنیایی دەدرێت

شارەزایەک سێ هۆکاری بەرزبوونەوەى نرخی دۆلار ئاشکرا دەکات

2020.12.05 - 08:53
App store icon Play store icon Play store icon
شارەزایەک سێ هۆکاری بەرزبوونەوەى نرخی دۆلار ئاشکرا دەکات

ناس کورد-

جارێکی تر نرخی دۆلار بەرانبەر دیناری عێراق لە سەرجەم پارێزگاکانی عێراق بە هەرێمی کوردستانیشەوە بەرەو بەرزبوونەوە چوو، پسپۆڕێکی ئابوریش باس لە سێ هۆکاری سەرەکی دەکات بۆ ئەوە بەڵام دڵنیایی دەدات.

کەناڵی ناس کورد لە تێلیگرام جۆین بکە   

 

عادل فەتال، پسپۆڕی بواری ئابوری لە لێدوانێکدا بۆ ڕۆژنامەی سەباحی فەرمی کە ناس کورد بەدواداچوونی بۆ کردووە (5ی کانونی یەکەمی 2020) دەڵێت، بەرزبوونەوەى نرخی 100 دۆلاری ئەمریکی بۆ سەرو 125 هەزار دینار بەهۆی کاریگەربوونی شەقام و بازاڕەوەیە بە هەواڵ و دۆخی سیاسیی و ئابوری بە گشتی، بەڵام جەخت دەکاتەوە کە "ئەو بەرزبوونەوەیە کاتییە و دۆخەکە دەگەڕێتەوە باری ئاسایی خۆی، چونکە عێراق زۆرجار ئەوە دۆخەى بینیوە."

 

فەتال پێی باشە "لە مامەڵەکانی کڕین و فرۆشتندا پشت بە دۆلار نەبەسترێت بەڵکو مامەڵە بە دیناری عێراقییەوە بکرێت، چونکە ئەوە خواست لەسەر دۆلار کەم دەکاتەوە و خستنەڕووش زیاتر دەبێت، هەرکاتێکیش بڕی دۆلار لە بازاڕدا زیاد بوو، ئەوەش نرخەکەشی کەم دەبێتەوە."

 

فەتال سێ هۆکاری سەرەکی بۆ زیادبوونی نرخی دۆلار باس دەکات و دەڵێت، دواکەوتنی موچەی فەرمانبەران لە دوو مانگی ڕابردوودا یەکێکە لە هۆکارە سەرەکییەکانی بەرزبوونەوەى نرخەکەی.

 

هۆکارێکی تر، بەڕای فەتال، دانانی چەند ڕێکارێکی نوێیە لەلایەن بانکی ناوەندییەوە بۆ توندکردنەوەى چاودێرییە بەسەر مامەڵە بانکییەکان لە بازاڕەکانی کڕین و فرۆشتنی دۆلار.

 

ئەو پێی وایە بانکی ناوەندی "دەزگایەکی کاریگەرە و توانای دووبارە سەقامگیرکردنەوەى نرخی دۆلاری هەیە، جیا لەوەش، عێراق وڵاتێکی نەوتییە دەوڵەمەندە، هەرچەندە ئێستا نرخەکەى ناسەقامگیرە، بەڵام ئەوەش کاریگەری باشی دەبێت لەسەر سەقامگیرکردنی نرخی دۆلار،" چونکە نەوت بە دۆلار دەفرۆشرێت.

 

فەتال باس لە هۆکاری سێیەم دەکات و دەڵێت، "بەشێکی تر لە هۆکاری بەرزبوونەوە و ناسەقامگیربوونی دۆلار "ئەم دۆخەیە کە ئێستا وڵاتی پێدا تێپەڕدەبێت، ئەوەش پەیوەندی بە هەڕەشە و مەترسییەکان هەیە لەسەر دۆخی ئابوری کە بەهۆی شەڕی ناوخۆیی یان هەرێمی توشی بازاڕ ببێت."

 

ئەو پسپۆڕە ئابورییە هانی هاوڵاتیان دەدات کە ڕۆشنبری ئابورییان هەبێت و "بەرژەوەندی خۆیان نەخەنە پێش بەرژەوەندی و وڵات لەم قۆناغەدا پشتگیری دیناری عێراقی بکەن و زیاتر مامەڵەوە بەو دراوەوە بکەن."