گه‌ڕان

Shadow Shadow
سیاسه‌تی

بانگەوازی خۆپیشاندان

لە دەروازەی ڕاپەڕینەوە بانگەوازی خۆپیشاندان ڕاگەیەنرا

2020.12.04 - 20:04
App store icon Play store icon Play store icon
لە دەروازەی ڕاپەڕینەوە بانگەوازی خۆپیشاندان ڕاگەیەنرا

ناس کورد-

ئەنجومەنی مامۆستایان و فەرمانبەران و کاسبکاران لە سنوری ڕاپەرین بانگەوازێکی بۆ ئەنجامدانی خۆپیشاندانی سبەینێ بڵاوکردەوە و داوادەکات سەرجەم چین و توێژەکان بەشداربن.

کەناڵی ناس کورد لە تێلیگرام جۆین بکە   

 

لە ئاگادارییەکدا ئەمشەو (هەینی 4ی کانونی یەکەمی 2020) ئەنجومەنی مامۆستایان و فەرمانبەران و کاسبکاران لە سنوری ڕاپەرین ڕایگەیاند، "کاتژمێر 10:00ی سەرلەبەیانی سبەینێ شەممە، خۆپیشاندانێکی بەرفراونی جەماوەری لەبەردەم باخی گشتی ئەنجام دەدەین دژی ئەو دۆخە داراییەی بۆ خەلک خوڵقێندراوە."

 

ئاماژە بەوەشکراوە، "داواکارین وەک ئەرکێکی دینی و ئینسانی و ئەخلاقی تاک بەتاکمان بەژداربین."

 

لە دوو ڕۆژی ڕابردوودا، خۆپیشاندان و ناڕەزایی لە شاری سلێمانی ئەنجامدرا، لەدوای ئەوەی چەند چالاک و ڕێکخەرێکی خۆپیشاندانەکان دەستگیرکران و خۆپیشاندەران بڵاوەیان پێکرا، ئەمڕۆ خۆپیشاندانەکە کۆتایی هات و ئەنجومەنی مامۆستایانی ناڕازیش لەبارەی چارەنوسی خۆپیشاندانەکانەوە بڕیار دەدەن.