گه‌ڕان

Shadow Shadow
سیاسه‌تی

وردەکاریى

لیژنەى باڵاى ئارامى سلێمانى راگەیەندراوێکى لەبارەى خۆپیشاندانەکان بڵاوکردەوە

2020.12.03 - 13:12
App store icon Play store icon Play store icon
لیژنەى باڵاى ئارامى سلێمانى راگەیەندراوێکى لەبارەى خۆپیشاندانەکان بڵاوکردەوە

ناس کورد- 

لیژنەى ئارامى سلێمانى ڕاگەیەندراوێکى بڵاوکردەوە و تیایدا ئاماژەى بەوە کرد کە ڕێگە بەهیچ جۆرە خۆپیشاندان و گردبوونەوەیەک نادەن کە پێشوەخت ڕەزامەندى بۆ وەرنەگیرابێت. 

 

کەناڵی ناس کورد لە تێلیگرام جۆین بکە   

لیژنەی باڵای ئارامیی پارێزگای سلێمانی لە راگەیەندراوێکدا کە وێنەیەکی دەست "ناس کورد" کەوتووە (3ی کانونی یەکەمی 2020) ئاماژە بەوە دەکات : "هەر کۆبونەوەو گردبونەوەیەک بەبێ ڕەزامەندی پێشوەختەی لیژنەی باڵای ئارامیی ڕێگەپێدراو نییەو داواشدەکات، هێزە ئەمنییەکان ئارامیی و ئاسایش بپارێزن.

 

دەقی راگەیەندراوەکە 

ڕاگەیاندراوێک له لیژنەی باڵای ئارامیی پارێزگای سلێمانییەوە

‎١-هەر کۆبونەوەو گردبونەوەیەک بەبێ ڕەزامەندی پێشوەختەی لیژنەی باڵای ئارامیی ڕێگەپێدراو نییەو، شێواندنی ئارامی شار و ڕاگرتنی جوڵەی بازاڕ لەم قەیرانە ئابورییە قوڵەدا لە بەرژەوەندییی توێژەكانی كۆمەڵگادا نییە.

 

‎٢- خۆپیشاندانی مەدەنییانەو ئاشتیانە بۆ دەربڕینی ناڕەزایی و داواکارییە ڕەواکان لە چواچێوەی یاسادا؛ یەکێکە لە مافە ڕەواکانی خەڵک و پارێزگاریی لێدەکەین.

 

‎٣- پێویستە كەناڵەكانی ڕاگەیاندن لە چوارچێوەی یاسا ڕێگاپێدراوەكاندا ڕوماڵی ڕوداوەكان بكەن و ئیتیكی ڕۆژنامەوانیی لەبەرچاو بگرن.

 

٤ـ پێویستە هەموو هێزەکان ئارامیی و ئاسایش بپارێزن و خۆیان لە هەر ڕوبەڕوبونەوەو توندوتیژییەک بەدوربگرن.