گه‌ڕان

Shadow Shadow
سیاسه‌تی

وردەکاریى

سەنگەسەر؛ لە شەڕی دوو دراوسێ شەش کەس برینداربوون 

2020.12.02 - 21:12
App store icon Play store icon Play store icon
سەنگەسەر؛ لە شەڕی دوو دراوسێ شەش کەس برینداربوون 

ناس کورد- 

بەڕێوەبەرایەتی پۆلیسی ڕاپەڕین رایگەیاند، بەهۆی دروستبونی شەڕ لەنێوان دوو دراوسێ شەش کەس برینداربوون و دوان لە بریندارەکان برینەکەیان سەختە.

 

کەناڵی ناس کورد لە تێلیگرام جۆین بکە   

بەڕێوەبەرایەتی پۆلیسی ڕاپەڕین لە ڕاگەیەندراوێکدا (2ی کانونی یەکەمی 2020) کە وێنەیەکی دەست "ناس کورد" کەوتووە رایگەیاند، کاتژمێر 6:00 ئێوارەی ئەمڕۆ لە ناحیەی سەنگەسەر سەر بە قەزای پشدەر (قەڵادزێ) شەڕێک لەنێوان دوو دراوسێ ڕویداوە و بەو هۆیەشەوە 6 برینداری لێکەوتۆتەوە کە لە تەڕەفێک باوکێک و دوو کوڕی و کچێکی بریندارن و باوک و کچەکەش بەهۆی سەختی برینەکانیانەوە بەڕێکران بۆ ڕانیە.

 

باس لەوەشکراوە، دوای ڕووداوەکە دەستبەجێ هێزەکانی پۆلیس و ئاسایش گەیشتونەتە شوێنی ڕوداوەکە و شوێنەواری چەقۆ بەسەر جەستەی چوار بریندارەکەوە هەیە و کە سەرجەمیان ئەندامی یەک خێزانن.

 

بەگوێرەى راگەیەندراوەکە،تائێستا هۆکاری ڕووداوەکە نەزانراوە و لە ئێستاشدا هێزەکان دەستیان بە لێکۆڵینەوە لە ڕووداوەکە کردووە و دوو کەس لەلایەن بنکەی پۆلیسی سەنگەسەر دەستبەسەرن کراون.