گه‌ڕان

Shadow Shadow
سیاسه‌تی

لەسەر موچە و بودجە

حکومەتى هەرێم: هەرکاتێک بە پێویستمان زانی شاند دەنێرینە بەغدا

2020.12.01 - 17:17
App store icon Play store icon Play store icon
حکومەتى هەرێم: هەرکاتێک بە پێویستمان زانی شاند دەنێرینە بەغدا

ناس کورد-

وتەبێژى حکومەتى هەرێمى کوردستان دەڵێت، هەرکاتێک حکومەت بە پێویستى زانى ئەوا شاندى دانوستانکارى هەرێمى کوردستان دەچێتە بەغدا.

کەناڵی ناس کورد لە تێلیگرام جۆین بکە   

 

 

جوتیار عادل، وتەبێژى حکومەتى هەرێمى کوردستان دواى کۆبونەوەى لیژنەى باڵاى ڕوبەڕوبونەوەى کۆرۆنا (1ى کانونى دووەمى 2020) لە کۆنگرەیەکى ڕۆژنامەوانیدا کە ناس کورد بینیوەیەتی وتى، بەمنزیکانە حکومەتى هەرێمى کوردستان لەسەر بابەتى موچە کۆدەبێتەوە و بڕیارى گونجاو لەو بارەیەوە دەدات.

 

سەبارەت بە چوونى شاندى دانوستانکارى هەرێم بۆ بەغداش هێماى بۆ ئەوەکرد، بڕیارمانداوە هەرکاتێک بە گونجاو زانرا شاندى دانوستانکارى هەریم بچێتە بەغدا، ئەویش لەکاتێکدا لە بەرژەوەندى خەڵدا بێت.

 

هەرچى سەبارت بە پشکى هەرێمى کوردستان لە بودجەى ساڵى داهاتووى عێراق وتى، ئێمە داواى مافەکانى خەڵکى هەرێممان کردوە کە 17%یە، ئەم بابەتەش بەردەوام گفتوگۆى لەسەر دەکرێتەوە و وەک حکومەت تەئکید دەکەینەوە لەسەر مافە دارایى و دەستوریەکانى هەرێم.