گه‌ڕان

Shadow Shadow
سیاسه‌تی

پەیامێک لە بافڵ تاڵەبانییەوە

بافڵ تاڵەبانی باس لە ڕێگەچارەی کێشەکانی هەرێم و بەغدا دەکات

2020.12.01 - 16:35
App store icon Play store icon Play store icon
بافڵ تاڵەبانی باس لە ڕێگەچارەی کێشەکانی هەرێم و بەغدا دەکات

ناس کورد-

بافڵ تاڵەبانی، هاوسەرۆکی یەکێتیی نیشتیمانیی کوردستان ڕایگەیاند، کێشەکانی هەرێم و حکومەتی فیدڕاڵ لە بەغدا چارەسەر دەکرێن و پێویستە بەزووترین کات شاندێکی بڕیاربەدەست سەردانی بەغدا بکات، دەشڵێت، پێویستە چیتر ڕێگەنەدرێت موچە و قوتی هاووڵاتیان بە سیاسی بکرێت و وەک فشار دژی هەرێم بەکاربهێنرێت.

کەناڵی ناس کورد لە تێلیگرام جۆین بکە   

 

ئەمڕۆ سێشەممە 1ی کانونی یەکەمی 2020، بافڵ تاڵەبانی، ھاوسەرۆکی یەکێتیی نیشتمانیی کوردستان چاویکەوت بە وەفدێکی باڵای بەریتانیا کە پێکھاتبوو لە جەیمس کلیڤەرلی، وەزیری دەوڵەت بۆ کاروباری ڕۆژهەڵاتی ناوەڕاست و باکووری ئەفریقیا، جەیمس هیپی، وەزیری دەوڵەت بۆ کاروباری هێزە چەکدارەکان و ستیڤن هیکی، باڵیۆزی بەریتانیا لە عێراق و جەیمس سۆرتن کونسوڵی بەریتانیا لەھەرێم.

 

بەگوێرەی ڕاگەیەندراوێکی کۆبوونەوەکە، لەدیدارێکدا دوایین پەرەسەندنە سیاسی و ئابووری و ئەمنییەکان خرانەبەر باس و بەوردی گفتوگۆیان لەبارەوەکرا.

 

ئەوەش هاتووە، بافڵ تاڵەبانی لەبەرامبەر ھاوکێشە و ڕووداوەکان، کێشەکانی ھەرێم و ناوەند، قەیرانی دارایی دید و گۆشەنیگای یەکێتی خستەڕوو و ڕایگەیاند، " یەکێتی لەگەڵ سیاسەتێکی یەکگرتووی نیشتمانییە بۆ چارەسەرکردنی کۆی کێشەکان و لەپێش ھەمووشیانەوە یەکخستنی توانا و ھەموو ھەوڵەکان بۆ یەکڕیزی ماڵی کورد و یەک وتار بەرامبەر بەغدا."

 

هاوسەرۆکی یەکێتی ئاماژەی  بەوەشكردووە، "یەکێتی پێی وایە کێشەکانی ئەمڕۆ لە بەغدا چارەسەردەکرێن و بۆ ئەوەش داوامانکردووە وەفدێکی بڕیار بەدەست سەردانی ناوەند بکەن و پرسەکان یەکلایی بکەنەوە چیتریش ڕێگەنەدرێت قوت و موچەی خەڵکی ھەرێمی کوردستان بە سیاسی بکرێت و وەک گوشار بەرامبەر ھەرێم بەکاربھێنرێت."

 

بەگوێرەی ڕاگەیەندراوەکە، بافڵ تاڵەبانی بۆ ھەرێمیش جەختی لە سەرخستنی ھەنگاوەکانی چاکسازی ڕیشەیی لەسەرجەم بوارەکاندا کردەوە و وتی، " یەکێتی پڕۆژەی گشتگیری بۆ ئەم بوارە ھەیە."

 

لەبارەی پەیوەندییەکانی ھەردوولاش جەخت لەپەرەپێدان و فراوانکردنی ھاریکارییەکان کرایەوە لەپێناو ئاسایش و ئارامی زیاتر لەناوچەکە.