گه‌ڕان

Shadow Shadow
سیاسه‌تی

تلیاک دەکرێتە ناو بارە میوە

’’وێنە؛ لەناو میوەدا ماددەی هۆشبەر دەهێنرێتە هەرێمی کوردستان’’

2020.11.30 - 14:59
’’وێنە؛ لەناو میوەدا ماددەی هۆشبەر دەهێنرێتە هەرێمی کوردستان’’

ناس کورد-

لە دەروازەی سنوریی حاجی ئۆمەران دەستگیرا بەسەر دوو کیلۆ ماددەی هۆشبەردا گیرا کە کەسێک لەناو بارێک میوەدا شاردبوویەوە و دەیویست بیهێنێتە هەرێمی کوردستان.

 

لە ڕاگەیەندراوێکدا بەڕێوەبەرایەتی گشتیی نەهێشتنی ماددە هۆشبەرەکان (دووشەممە 30ی تشرینی دووەمی 2020) ڕایگەیاند: "ئەمڕۆ دووشەممە لەدەروازەی سنوریی نێوەدەوڵەتی حاجی ئۆمەران توانرا دەستبگیرێت بەسەر بڕی دوو کیلۆ ماددەی هۆشبەر لەجۆری تلیاك."

 

ئاماژەی بەوەشكردووە، هەروەها تۆمەتبارێک بەناوی ( م ـ ر ـ ع ) دەستگیرکراوە کە ماددە هۆشبەرەکەی لەناو پارچە ئاسنێك شاردبووەوە و پارچە ئسنەکەشی لەناو بارێکی سەوزە و میوە حەشاردابوو و دەیویست بیهێنێتە هەرێمی کوردستان."

 

بەگوێرەی راگەیەنراوەکە، تۆمەتبارەکە بەپێی ماددە (14) لەیاسای ماددە هۆشبەرەکان پەڕاوی لێکۆڵینەوەی بۆ ڕێکخراو ڕەوانەی بەردەم دادوەری لێکۆڵینەوە کرا.