گه‌ڕان

Shadow Shadow
سیاسه‌تی

’’دەستی پێوەبگرن’’

گۆڕان ڕونکردنەوە دەدات لەبارەى دوو ڕاگەیەنراوی جیاوازی فراکسیۆنەکەى لە پەرلەمان

2020.11.29 - 09:12
App store icon Play store icon Play store icon
گۆڕان ڕونکردنەوە دەدات لەبارەى دوو ڕاگەیەنراوی جیاوازی فراکسیۆنەکەى لە پەرلەمان

 ناس کورد-

عەدنان عوسمان، ئەندامی خانەی ڕاپەڕاندنی گۆڕان پەیامێکی ناڕاستەوخۆی لەبارەی دوو ڕاگەیەندراوەکەی فراکسیۆنی حزبەکەیەوە لە پەرلەمانی کوردستان بڵاوکردەوە و ڕایگەیاند، لەخۆگرتنی دیدگای جیاواز یەکێک لە بەهاکانی کارنامەی نەوشیروان مستەفا بوو و پێویستە دەستی پێوەبگرن.

کەناڵی ناس کورد لە تێلیگرام جۆین بکە   

 

عەدنان عوسمان، ئەندامی خانەی ڕاپەڕاندنی گۆڕان لە تویتێکدا ڕایگەیاند: "لە خۆگرتنی دەنگ و دیدگاو ئیجتیهادە جیاوازەکان یەکێک بو لەبەها و خەسڵەتە بناغەییەکانی کارنامەی نەوشیروان مستەفا، بازنەی قبوڵ کردنی بۆچوونی جیاواز لای ئەو زۆر بەرفراوان بوو، دواتر هەموی ئەخستە خزمەتی بەهێزبون و گەشەکردنی گۆڕان."

 

ئاماژەی بەوەشكردووە: "دەبێت دەست بەو بەها گرنگە بگرین و بەشێک بێت لە کارنامەمان."

 

ئەوەش لەکاتێکدایە، شەوی ڕابردوو لە بڵاوکردنەوەی ڕاگەیاندراودا تایبەت بە دۆخی هەرێمی کوردستان، فراکسیۆنی گۆڕان بوون بە دوو بەشەوە و شەش پەرلەمانتاری بزووتنەوەکە بەجیا و بەناوی خۆیانەوە ڕاگەیەندراوێکیان بڵاوکردەوە، لەکاتێکدا شەش پەرلەمانتاری دیکە بەناوی فراکسیۆنی گۆڕانەوە ڕاگەیەندراوێکی دیکەیان بڵاوکردەوە.

 

زیاتر بخوێنەوە: راگەیەندراوێک لە شەش پەرلەمانتاری فراکسیۆنی گۆڕانەوە