گه‌ڕان

Shadow Shadow
سیاسه‌تی

بەهۆی گەندەڵییەوە

دەستگیرا بەسەر سەرجەم موڵک و ماڵی ئەحمەد ساعیدی و ژنەکانی و منداڵەکانیدا

2020.11.29 - 08:30
App store icon Play store icon Play store icon
دەستگیرا بەسەر سەرجەم موڵک و ماڵی ئەحمەد ساعیدی و ژنەکانی و منداڵەکانیدا

ناس کورد-

لیژنەى جێبەجێکردنی دیوانی لە نوسینگەی سەرۆک وەزیرانی عێراق بڕیاری دا بە دەستبەسەرداگرتنی سەرجەم موڵک و ماڵی ئەحمەد عەبدولجەلیل ساعیدی، سەرۆکى پێشووی دەستەی خانەنشینی و براکەی و ژنەکانی و منداڵەکانی.

کەناڵی ناس کورد لە تێلیگرام جۆین بکە   

 

لە نوسراوێکدا کە رۆژی 25ی تشرینی دووەمی 2020 لە لیژنەی جێبەجێکردنی دیوانی دەرچووە، ناو ئەحمەد ساعیدی و سەباحی برای هاتووە و داوای ناوی ژنەکانی و منداڵەکانیشی کراوە بۆ دەستبەسەرداگرتنی موڵک و ماڵیان.

 

ئەوە لەکاتێکدایە ڕۆژی 17ی ئەیلولی ڕابردوو، هێزێکی سەربازی ئەحمەد ساعیدییان لە ماڵەکەی خۆیدا دەستگیرکرد و دواتر برایە بارەگای هێزەکانی سوات تاوەکو بدرێتە دادگا بۆ لێکۆڵینەوە.

 

بەپێی سەرچاوەیەک بۆ ناس کورد، "شەش بەرپرسی تر لەو هەڵمەتەدا دەستگیرکراون بەڵام ناوەکانیان ئاشکرا نەکراوە."

 

باسی لەوەش کرد، "لیژنەى لیکۆڵینەوە لە دۆسیەکانی گەندەڵیی گەورە و تاوانی جیاواز کە مستەفا کازمی ڕۆژی 27ی ئابی 2020 دروستی کرد، حەوت دۆسیەی گەورەى گەندەڵی جوڵاندووە و چاوەڕێی دەرچوونی بڕیار دەکرێت لەبارەیانەوە."

me_ga.php?id=9120