گه‌ڕان

Shadow Shadow
سیاسه‌تی

بەشودانی کچێک لە بری قەرز

’’بەشودانی کچێکی 13 ساڵ لەبری قەرزدا’’ ڕووبەڕووى سێ سەرۆکایەتییەکە دەکرێتەوە

2020.11.28 - 17:31
’’بەشودانی کچێکی 13 ساڵ لەبری قەرزدا’’ ڕووبەڕووى سێ سەرۆکایەتییەکە دەکرێتەوە

ناس کورد-

ژمارەیەک لە ڕۆژنامەنووس و چاڵاکوان و ڕێکخراوەکان  بەیاننامەیەکیان بەناونیشانی " بەیاننامەی ناڕەزایەتی لەدژ کارەساتێکی قێزەون کە دژ بە کچێکی 13 ساڵان کراوە" ئاڕاستەی سێ سەرۆکایەتییەکەی هەرێم و داواکاری گشتی کرد و داوای هەڵوێستی ئەو لایەنانە دەکات.

 

لەڕاگەیەندراوەکەدا ئاماژە بەوەکراوە، ئەو کەسە (خەڵکى شارۆچکەى هەریرە) تەمەنی 40 ساڵە و پێشمەرگەیە و دوو هاوسەری دیکەی هەیە، لە بەرامبەردا قەرزدا کچێکی 13 ساڵانی وەرگرتووە و کردوویەتی بە هاوسەری خۆی و دوێنێ گواستوویەتییەوە.

 

ئەوەش هاتووە: " داوا دەکەین بەپەلە بێنە سەر خەت و ڕێگا لەم هاوسەرگیریە نایاساییە و هاوشێوەکانی بگرن و مافی ئەم منداڵە بەزوترین کات بگەڕێندرێتەوە و ئەوانەشی ئەم کارەیان دەرهەق بەمنداڵەکە کردووە بەتوندترین شێوە سزابدرێن بۆ ئەوەی جارێکی تر مافی منداڵ و ئافرەت پێشێل نەکرێت و ڕووداوی وا ڕوونەداتەوە."

 

دەقی بەیاننامەکە:

 

 

بەیاننامەی ناڕەزایەتی لەدژ کارەساتێکی قێزەون کە دژ بە کچێکی 13 ساڵان کراوە

بۆ بەرێز: سەرۆکایەتی هەرێمی کوردستان

بۆبەرێز:حکومەتی هەرێمی کوردستان

بۆ بەرێز:پەرلەمانی کوردستان

بۆ بەرێز:ڕای گشتی و لایەنە پەیوەندیدارەکانی مافی ئافرەت و مافی منداڵ

 

پیاوێکی تەمەن 40 ساڵان بەناوی مهدی‌ ناصر ڕەسول کەپیشەی پێشمەرگەیە و دانیشتووی ناحیەی هەریری سەربە قەزای شەقڵاوەیە، لەبری قەرز کچێکی قەرزارەکەی کەتەمەنی 13ساڵانە، وەردەگرێت و هاوسەرگیری لەگەڵ دەکات و دوێنی گواستویتیەوە، پیاوەکە هاوسەری سێیەمیەتی و پێشوتر لەگەڵ ئافرەتێکی عەرەب و ئافرەتێکی کورد هاوسەرگیری کردووە و خاوەنی چەند مندالێکە.

 

داوا دەکەین بەپەلە بێنە سەر خەت و ڕێگا لەم هاوسەرگیریە نایاساییە و هاوشێوەکانی بگرن و مافی ئەم منداڵە بەزوترین کات بگەڕێندرێتەوە و ئەوانەشی ئەم کارەیان دەرهەق بەمنداڵەکە کردووە بەتوندترین شێوە سزابدرێن بۆ ئەوەی جارێکی تر مافی منداڵ و ئافرەت پێشێل نەکرێت و ڕووداوی وا ڕوونەداتەوە.

 

داوای ژمارەیەک لە ڕۆژنامەنووس و چاڵاکوان و ڕێکخراوەکان:

1ـ زێدان خەسرۆـ ڕۆژنامەنووس

2ـ ڕێکخراوی ڕێژنە میدیا

3ـ جبار احمد شمس الدین ـ نوسەر

4ـ ڤان هەرکی ـ چالاکوانی مەدەنی

5ـ مێڤان هەرکی - ڕوژنامەنوسی سەربەخو

6ـ عومەر مەلا سابیر ـ چالاکوان

7ـ ڕێکخراوی هاودەنگ

8ـ هەورامان خالید ڕۆژنامەنووس

9ـ چیمەن امین فتاح ـ چالاکوان

10ـ کارۆخ سەید ڕزگار ـ چاودێری سیاسی

11ـ مەزهەر عەبدولجەبار ـ ڕۆژنامەنووس

12ـ شێواز مەسعوود موحەممەد ـ ڕۆژنامەنوس

13ـ بەختیار رەباتی بەڕێوبەری هەنگاو میدیا

14ـبەهار موونزیر بەڕیوبەری ڕێکخراوی خەڵك بۆ گەشەپێدان (PDO )

15ـ ڕێکخراوی خەڵك بۆ گەشەپێدان(PDO)

16ــ ڕێکخراوی هاریکاری یاسایی ژنان Wola

17ـ شۆخان ئەحمەد ڕەشید پارێزەر

18ـهێمن گۆپتەپەیی - ڕۆژنامەنوس

19ـچرۆ عمر / پەرستار

20ـنازە کویستانی چالاکی مە دە نی

21.

22ـ

23ـ

24ـ

25ـ

26ـ

27ـ

28ـ

29ـ

30ـ

گەر ویستتان، ناوی خۆتان یان ڕێکخراوتان بنووسن و بنێرنەوە