گه‌ڕان

Shadow Shadow
چیرۆكه‌كانمان

نەدەبوو پەرلەمانتاران پارەى خانەنشینى وەربگرن

دەستەی دەستپاكی هەرێم و پەرلەمانى کوردستان کۆبوونەوە

2019.05.15 - 17:09
App store icon Play store icon Play store icon
دەستەی دەستپاكی هەرێم و پەرلەمانى کوردستان کۆبوونەوە

کەناڵی ناس کورد لە تێلیگرام جۆین بکە   

ناس کورد- وریا حسێن دەستەی دەستپاكی هەرێم لەگەڵ لیژنەی دەستپاكی پەرلەمانی كوردستان کۆبووەوە، لەبارەى وەرگرتنى پارەى خانەنشینى پەرلەمانتاران، سەرۆکى دەستەکە وتى، پێش وەختە پەرلەمانی كوردستانمان لەو پرسە ئاگادار كردەوە، نەدەبوو پەرلەمانتاران ئەو پارەیە وەربگرن. . حاكم ئەحمەد ئەنوەر سەرۆكی دەستەی دەستپاكی پەرلەمانی كوردستان لەبارەی كۆبوونەوەكەوەوە تایبەت بە ناس کورد ڕایگەیاند: "قسەمان لەسەر ڕاپۆرتی كۆتایی دەستەی دەستپاكی كرد بۆ ساڵی 2018 كە نێردراوەتە پەرلەمان، بڕیاریشمانداوە هەماهەنگی زیاتر هەبێت لەگەڵ پەرلەمان و تێبینی زیاترمان بدەنێ". . سەرۆکى دەستەى دەستپاکى وتیشی، یەكێك لە تێبینییەكانى دەستەکەى پەرلەمان بۆ ئەوان ئەوەبووە، ڕاپۆرتەكەى دەستپاکى كورتبكرێتەوە بۆ ئەوەی هەموو پەرلەمانتاران بتوانن كاری لەسەر بكەن. . لەبارەی ئەو كەسانەی بەتایبەت ئەو بەرپرسانەى لەسەر گەندەڵى دراونەتە دادگا، حاكم ئەحمەد ئەنوەر ووتی: "هەندێك لەو بەڕێوەبەرە گشتییانە بەهۆی نەبوونی بەڵگەی پێویستەوە لە قۆناغی لێكۆڵینەوە ئازادكران، هەندێكی دیكەش دادگایی کراون و یەك دوانێكیش بەر لێبوردنی گشتی كەوتن، هەندێكیش ماوەنەتەوە". . سەبارەت بەو کەیسەى داواكاری گشتی لەبارەی خانەنشینی پەرلەمانتارانەوە جوڵاندی سەرۆکى دەستەى دەستپاکى ئاماژەی بۆ ئەوەكرد، پێش داواكارى گشتى، دەستەی دەستپاكی لێكۆڵێنەوەى لەو كەیسە كردووە، بەڵام وەڵامی پەرلەمان ئەوەبووە "وەرگرتنی ئەو بڕە پارەیە وەك خانەنشینی یاساییە، نازانم چارەنوسی ئەو دۆسیەیە بەكوێ‌ دەگات كە داوكاری گشتی جوڵاندوویەتی، بەڵام نەدەبوو ئەو پەرلەمانتارانە ئەو پارەیە وەربگرن ئەگەر یاساییش بوایە". . .