گه‌ڕان

Shadow Shadow
سیاسه‌تی

بەریتانیا کوردێکی کردە وەزیری دابینکردنی ڤاکسین

2020.11.28 - 15:10
بەریتانیا کوردێکی کردە وەزیری دابینکردنی ڤاکسین

ناس کورد-

نەدیم زەهاوی، پەرلەمانتاری پەرلەمانی بەرتانیا کە بە ڕەگەز کوردی خەڵکی هەرێمی کوردستانە بووە وەزیری تایبەت بە گواستنەوە و دابینکردنی ڤاکسین لە بەریتانیا.

 

حکومەتی بەریتانیا لە ڕاگەیەنراوێکدا کە رۆژنامەى میرەر بڵاویکردووەتەوە و ناس کورد بەدواداچوونی بۆ کردووە (28ی تشرینی دووەمی 2020) دەڵێت، "بۆریۆس جۆنسنی سەرۆک وەزیرانی بەریتانیا نەدیم زەهاوی ڕاسپاردووە وەک وەزیری چاودێری دابینکردنی و گواستنەوەى ڤاکسینی کۆرۆنا."

 

لە ڕاگەیەنراوەکەدا هاتووە، "شاژن خۆشحاڵە بە ڕەزامەندی لەسەر دیاریکردنی پەرلەمانتار نەدیم زەهاوی بۆ ئەو پۆستە."

 

نەدیم زەهاوی چاودێری دابینکردن و گواستنەوەى ڤاکسینی کۆرۆنا دەکات بۆ هەموو ناوچە و نەخۆشخانە و بنکەکان.

 

زەهاوی ساڵی 1967 لە خێزانێکی کوردی شاری بەغدا لەدایک بووە، بەڵام دواتر چوونەتە بەریتانیا و لە لەندەن گەورە بووە، لەسەر حزبی پارێزگاران بووەتە ئەندامی پەرلەمانی بەریتانیا.