گه‌ڕان

Shadow Shadow
سیاسه‌تی

’’25 وەرەقە’’

ناوى ’’قاچاخچیانى’’ ماسى ئاشکراکرا

2020.11.28 - 11:48
App store icon Play store icon Play store icon
ناوى ’’قاچاخچیانى’’ ماسى ئاشکراکرا

ناس کورد-

 

ئەندامێکى پەرلەمانى کوردستان چەند ناوێکى ئاشکراکرد و تۆمەتباریان دەکات بەوەى ماسى بە قاچاخ هاوردە دەکەن، کە بووەتە هۆى لەناوبردنى بەرهەمى ناوخۆیی.

کەناڵی ناس کورد لە تێلیگرام جۆین بکە   

 

عەلى حەمەساڵح (28ى تشرینى دووەمى 2020) لە پەڕەى خۆى لە فەیسبوک کە "ناس کورد" بینویەتى نوسیویەتى "بەھۆی  ھێنانی ماسی بەقاچاخ، ھەزار حەوزی ماسی مایەپوچ ھەزاران کەسیش جگە لە زیانی گەورە، بێکار دەبن".

 

دەشڵێت "ئێستا کۆنتێنەرێک ماسی بە ٢٥ وەرەقە لە ئێرانەوە داخڵدەکرێت. لە پەروێزخان مامۆستا عەبدولڕەحمان داخڵی دەکات، لە باشماخ دوو کەس بەناوی وەرزێر و جەبار".

 

بەوتەى ئەو پەرلەمانتارە، ٤٠٠ حەوزی ماسی مۆڵەتی لە وەزارەت ھەیەو نزیکە ٦٠٠ تاوەکو ئێستا بێ مۆڵەتە.

 

دەشڵێت "ویژدان و ئەخلاقتان چۆن ڕێگا بەوەدەدات لەبەر بڕێک پارەی حەرامی کەم، کە ھیچ لە سەرمایەی ئێوە ناگۆڕێت.. سامانی ماسی لە ناوببەن!! کەسێک لە کەلار چەند ساڵە کەسابەت دەکات، ٦٠ ملیۆن دیناری ھەبوو، کردیە حەوزی ماسی و قاچاخی ئێوە مایە پوچی کرد".