گه‌ڕان

Shadow Shadow
سیاسه‌تی

وردەکاریی مەرجەکان

کۆمەڵە رونکردنەوە لەبارەى دانوستانەکانى حزبە کوردییەکان و ئێران دەدات

2020.11.27 - 23:36
App store icon Play store icon Play store icon
کۆمەڵە رونکردنەوە لەبارەى دانوستانەکانى حزبە کوردییەکان و ئێران دەدات

ناس کورد-کاروان مەحمود 

 

بەپرسی پەیوەندییەکانی کۆمەڵەی زەحمەتکێشانی کوردستان رایگەیاند، وەستانى دانوستانەکانى حزبە کوردییەکان لەگەڵ ئێران بەهۆى ئەوەوە بووە کە تاران پابەندى مەرجەکان نەبووە.

کەناڵی ناس کورد لە تێلیگرام جۆین بکە   

 

عەتا ناسر سەقزی، ئەندامی سەرکردایەتی و بەپرسی پەیوەندییەکانی کۆمەڵەی زەحمەتکێشانی کوردستان (27 تشرینی دووەمی 2020) بە "ناس کورد"ی راگەیاند، گفتوگۆو دانوستانی نێوان کۆماری ئیسلامی ئێران و هێزە کوردیەکانی رۆژهەڵات بە نێوەندگیری لایەنی سێیەم کە رێکخراوێکی نەرویجی بوو، تەنها یەک کۆبوونەوە کراو ئەو مەرجانەی لایەنەکانی رۆژهەڵاتی کوردستان بۆ کۆماری ئیسلامی ئێرانییان دانابوو جێبەجێنەکراو ئەوەش بووە هۆکاری راگرتنی گفتوگۆکان.

 

رونیشیکردەوە "یەکێک لەو مەرجانە ئەوەبوو کەسایەتییەکی یەکەمی ئێران، رابەر، یاخود سەرۆک کۆمار، یان سەرۆکی پەرلەمان بە فەرمی دان بەوەدا بنێت کە کێشەی کورد لە رۆژهەڵات چارەسەر دەکەین و یەکێکی دیکەش لە مەرجەکان راگرتنی هێرشەکان بۆ سەر حزبە کوردیەکان و رێگری لە کوشتنی هاووڵاتیانی کۆڵبەرو راگرتنی سزای سیاسی و لە سێدارەدان دژی هاووڵاتیانی کورد و رێگری لە تۆپباران و چەند مەرجێکی کەش بەڵام کۆماری ئیسلامی پابەندی هیچ کام لەو مەرجانە نەبووەو بگرە سزاکانی لە سێدارەدان و کوشتنی زیاتر کردووە.

 

عەتا ناسر سەقزی جەختی لەوەشکردوە، بەهۆی جێبەجێنەکردنی مەرجەکان و پابەند نەبوون پێیانەوە لە ئێستادا هیچ شتێک نەماوە بەناوی گفتوگۆو دانوستان لە نێوان هێزە کوردییەکانی رۆژهەڵات و کۆماری ئیسلامی ئێران.