گه‌ڕان

Shadow Shadow
سیاسه‌تی

هاوسەرگیرییەکە هەڵوەشایەوە

ئەو پیاوە 51 ساڵەى کچە 14 ساڵانەکەى خواست: داوای لێبوردن لە میلەتەکەم دەکەم

2020.11.27 - 15:35
App store icon Play store icon Play store icon
ئەو پیاوە 51 ساڵەى کچە 14 ساڵانەکەى خواست: داوای لێبوردن لە میلەتەکەم دەکەم

ناس کورد-

لەدوای هەڵوەشاندنەوەى پرۆسەی هاوسەرگیری لەنێوان پیاوێکی 51 ساڵە و کچێکی 14 ساڵە لەلایەن دادگای دهۆکەوە، ئەو پیاوە داوای لێبوردن دەکات.

کەناڵی ناس کورد لە تێلیگرام جۆین بکە   

 

هاوسەرگیرییەکە لە کۆمەڵگەی دۆمێز لەسنوری پارێزگای دهۆک ئەنجامدراوە و پیاوەکە تەمەنی 51 ساڵە ئێزدییە و ژن و منداڵی هەیە، بەڵام ئەو کچە 14 ساڵانەشی مارە کردووە کە ناوی "ئەلیس"ە، بەڵام دواتر لەژێر فشاری ڕەخنەدا دادگای دهۆک هاوسەرگیرییەکەى هەڵوەشاندەوە.

 

نێوەڕۆی ئەمڕۆ هەینی، 27ی تشرینی دووەمی 2020، شێخ جوقی سەلۆ تەحسین، ئەو پیاوەی کچەکەی خواستبوو لە کۆنگرەیەکی ڕۆژنامەوانیدا ڕایگەیاند، "داوای لێبوردن لە میلـلەتەکەم دەکەم".

 

خەیری بۆزانی، نوێنەری کاروباری ئێزدییەکان لە وەزارەتی ئەوقاف و کاروباری ئاینی ئێزدییەکان بە "ناس کورد"ی ڕاگەیاند: " دوای بڵاوبوونەوەی هەواڵی هاوسەرگیرییەکە، ڕەخنەیەکی زۆری بەدوای خۆیدا هێنا و لەژێر فشاری ئەو ڕەخنانەشدا هاوسەرگیرییەکە هەڵوەشایەوە."

 

وتیشی، لە دینی ئێزدییەکاندا هاوسەرگیری خوار تەمەنی 18 ساڵ ڕێگەپێنەدراوە و هاوسەرگیرییەکی لەوشێوەیەش کە کچەکە لە منداڵەکانی ئەو پیاوە منداڵترە، کارەساتە و تاوانە.

 

نوێنەری ئێزدییەکان لە وەزارەتی ئەوقاف داواش دەکات، خێزانەکان زیاتر هۆشیاربن و نە بۆ کچ و نە بۆ کوڕ ڕێگە بە هاوسەرگیری خوار تەمەنی 18 ساڵان نەدەن.