گه‌ڕان

Shadow Shadow
سیاسه‌تی

سێ تەقەکەر لە چەمچەماڵ دەستگیرکران

چەمچەماڵ؛ بەتۆمەتی ترساندنی هاووڵاتیان سێ کەس دەستگیرکران

2020.11.26 - 20:06
چەمچەماڵ؛ بەتۆمەتی ترساندنی هاووڵاتیان سێ کەس دەستگیرکران

ناس کورد-

بەڕێوەبەرایەتیی ئاسایشی رۆژئاوای سلێمانی ڕایگەیاند، لە قەزای چەمچەماڵ سێ کەس لەتەقەکەرانی هەڕەمەکی و دروستکردنی ترس و دڵەڕاوکێ لای هاوڵاتیان دەستگیرکران.

 

لەڕاگەیەنراوێکدا بەڕێوەبەرایەتی ئاسایشی ڕۆژئاوای سلێمانی (پێنجشەممە 26ی تشرینی دووەمی 2020) ڕایگەیاند: " لە درێژەی هەوڵەکان بۆ دەستگیرکردن و ڕێگریکردن لەو کەسانەی کە بەتەقەی هەڕەمەکی دەیانەوێت ئارامی هاوڵاتیان تێکبدەن سێ کەس دەستگیرکران."

 

ئاماژەی بەوەشكردووە: " سێ تۆمەتبارەکە بەناوەکانی (س،ف،ع ) (گ،ن،م) (چ،ش،ح) دانیشتوی چەمچەماڵن لە نزیک زانکۆی چەرمۆ لەقەزای چەمچەماڵ تەقەی هەڕەمەکیان کردبوو ."

 

بەگوێرەی ڕاگەیەندراوەکە، دوو دەمانچە و کڵاشینکۆفێک و ئۆتۆمبێلێکی جۆری قەمەرە (ئۆپترا)ی تەقەکەرەکان دەستی بەسەردا گیراوە و لەئێستادا بەفەرمانی دادوەری دادگای لێکۆڵینەوە بەبڕیاری (570) ڕاگیراون.