گه‌ڕان

Shadow Shadow
سیاسه‌تی

وردەکاریى

لەسەر بەشداریکردن لە پرسەى کوردێک تورکیا پەرلەمانتارێکى ئاکەپە دادگایى دەکات

2020.11.25 - 23:16
لەسەر بەشداریکردن لە پرسەى کوردێک تورکیا پەرلەمانتارێکى ئاکەپە دادگایى دەکات

ناس کورد-

بە تۆمەتى بەشداریکردن لە پرسەى گەریلایەکى یەپەگەدا کە لە شەڕى دژى داعش گیانى لەدەستداوە، حکومەتى تورکیا سەرمایەدار و سیاسەتمەدارێکى ئەو وڵاتە کە ئەندامى پارتى دەسەڵاتدارى ئەو وڵاتەیە، دادگایى دەکات.

 

ماڵپەرى دۆیچە ڤێللەی ئەڵمانی لە هەواڵێکدا کە "ناس کورد" بەدواداچوونى بۆ کردووە (25ى تشرینى دووەمى 2020) بڵاوى کردەوە، بەتۆمەتى بەشداریکردنى لە پرسەى شەڕڤانێکی یەپەگەدا کە خەڵکی قەزای دیجلەی سەر بە ئامەد بووە و ساڵی ٢٠١٥ لە شەنگال لە شەڕی دژ بە داعشدا گیانى لەدەستداوە، حکومەتى تورکیا غالیب ئەنساریئۆغڵۆ، سەرمایەدار و سیاسەتمەدارى ناسراوى ئامەد دادگایى دەکات.

 

بەگوێرەى هەواڵى ماڵپەرەکە، ئەنساریئۆغڵۆ لە هەردوو خولی ٢٤ و ٢٦ی پەرلەماندا نوێنەری ئامەد بووە لەسەر لیستی ئاکەپە.

 

ئاماژە بەوەش کراوە، داواکاری کۆماری لە ئامەد لێکۆڵینەوەی لە دژی ئەنساریئۆغڵو کردووەتەوە و تۆمەتباری کردووە بە بەشداریکردن لە پرسەی "تیرۆریستێک" و گوایە لەو ڕیگەیەوە پروپاگەندەی بۆ ڕێکخراوێکی چەکداری "تیرۆریستی" کردووە.

 

لەبەرامبەردا ئەنساریئۆغڵو، لە کۆنگرەیەکى ڕۆژنامەوانیدا ڕایگەیاند، ئەو لەبەر ڕۆشنایی دابونەریتی کۆمەڵایەتیدا چووەتە ئەو پرسەیە و وتوویەتى "ساڵی ٢٠١٥ هێشتا تورکیا یەپەگەی نەخستبووە "لیستی تیرۆرەوە."