گه‌ڕان

Shadow Shadow
سیاسه‌تی

10 فڕۆکەخانە بۆ 30 فڕۆکە

هەوڵى دروستکردنى پێنج فڕۆکەخانەى دیکە لە عێراق دەدرێت

2020.11.25 - 08:42
App store icon Play store icon Play store icon
هەوڵى دروستکردنى پێنج فڕۆکەخانەى دیکە لە عێراق دەدرێت

ناس کورد-
ئەندامێکى پەرلەمانى عێراق سەرسوڕمانى خۆى نیشاندا لە هەوڵدانى پێنج پارێزگا بۆ دروستکردنى فڕۆکەخانە لەکاتێکدا پێنج فڕۆکەخانەى دیکە بوونیان هەیە بۆ تەنها 30 فڕۆکە.

کەناڵی ناس کورد لە تێلیگرام جۆین بکە   

 

جاسم بەخاتى، ئەندامى لیژنەى خزمەتگوزاریی و ئاوەدانکردنەوە لە پەرلەمانى عێراق (25ی تشرینی دووەمی 2020) بە ڕۆژنامەى سەباحى فەرمى ڕاگەیاندووە، فڕۆکەخانەکان پرسێکن پەیوەستن بە دەسەڵاتى فیدراڵییەوە و لەو پارێزگایانە دادەنرێن کە زۆرترین ژمارەى دانیشتوانیان هەیە.



وتیشى، لە ئێستادا پێنج پارێزگا لە هەوڵى دروستکردنى فڕۆکەخانەدان، لەکاتێکدا پێنج فڕۆکەخانەى دیکە لە وڵاتدا بوونیان هەیە بۆ تەنها 30 فڕۆکە کە عێراق خاوەنیەتى.



قسەکانى ئەو پەرلەمانتارە لەکاتێکدایە، هەریەک لە پارێزگاکانى کەرکوک و ئەنبار و زیقار و بابل و کەربەلا سەرقاڵى دروستکردنى فڕۆکەخانەى نوێن.



لە ئێستادا عێراق خاوەنى پێنج فڕۆکەخانەى نێودەوڵەتییە، کە پێکهاتوون لە فڕۆکەخانەکانى بەغدا و بەسرە و نەجەف و هەولێر و سلێمانى.