ناس کورد-
بەرەوپێشچوونەکانی ڤاکسینەکانی کۆرۆنا نرخی نەوتی خاویان فڕاند و بەرمیلێک خاوی برێنت نزیکدەبێتەوە لە 48 دۆلار.
بەگوێرەی ماڵپەڕی "Oil Price"ی تایبەت بە نرخی نەوت، ئێوارەی ئەمڕۆ (سێشەممە 24ی تشرینی دووەمی 2020) نرخی بەرمیلێک نەوتی خاوی برێنت، نزیکەی %2 بەرزبووەوە و گەیشتە 47 دۆلار و 99 سەنت.
هاوکات نرخی بەرمیلێک نەوتی خاوی ئەمەریکی %2.10 بەرزبووەوە و گەیشتە 45 دۆلار و 16 سەنت.
لەماوەی دوو ڕۆژدا نرخی نەوتی خاو %4 بەرزبووەتەوە و بەگشتیش لەماوەی هەفتەیەکدا %7 بەرزبووەتەوە.
لەبارەی بەرزبوونەوەی نرخی نەوت، ستيفن ئينيس گەورە شیکەرەوەى ستراتیژى بازاڕى نەوت دەڵێت، بەرەوپێشچوونەکان لەبارەى گەشەپێدانى ڤاکسین و دابەشکردنى، مەترسییەکان لەسەر بازاڕى نەوت کەمدەکاتەوە.
