ناس کورد-
تەقینەوەى ئۆتۆمبێلێکى بۆمبڕێژکراو شارى عەفرینى ڕۆژئاواى کوردستانى هەژاند و کوژراو و برینداری لێکەوتووەوە، ژمارەى قوربانیانى تەقینەوەکەى شارى "باب"یش گەیشتە، 24 کەس کوژران و بریندار.
کەناڵی ناس کورد لە تێلیگرام جۆین بکە
ڕوانگەى سوریى بۆ مافەکانى مرۆڤ بڵاویکردووەتەوە، کەمێک پێش ئێستا (ئێوارەى سێشەممە 24ى تشرینى دووەمى 2020) ئۆتۆمبێلێکى بۆمبڕێژکراو لە شارى عەفرین کە لەژێر کۆنترۆڵى هێزەکانى تورکیا و گروپە چەکداریەکانى سەربەو وڵاتەن تەقیوەتەوە.
تەقینەوەکە لە بازاڕى "هال" لە نزیک ناوچەى پیشەسازى شارەکەوە ڕویداوە، ڕوانگەی سوری دەڵێت: " تەقینەوەکە بەهێز بووە و ژمارەیەک کوژرا و بریندارى لێکەوتوەتەوە و تائێستا ژمارەیان دیار نییە، جگە لەوەی زیانێکى ماددى زۆریش بەر ناوچەکە کەوتووە."
ڕوانگەکە باسى لەوەشکردووە، هەروەها بەهۆى تەقینەوەکەى شارى باب کە بەهەمان شێوە لەژێر کۆنترۆڵى هێزەکانى تورکیا و میلیشیاکانى سەربەو وڵاتەیە و چەند کاتژمێرێک پێش تەقینەوەکەى عەفرین ڕوویداوە 5 کەس کوژراون و 19ى تر برینداربوون.
