عادل عەبدولمەهدى لەبارەى بارگرژییەکانی ئێران و ئەمریکا: دۆخەکە بە خۆشی کۆتایی دێت

کەناڵی ناس کورد لە تێلیگرام جۆین بکە   

ناس كورد- عادل عەبدولمەهدی ڕایگەیاند، بەپێی ئەو ئاماژانەى کە لە گفتوگۆکانیدا لەگەڵ واشنتۆن و تاراندا دەستیکەوتووە، "دۆخەکە بە خۆشی کۆتایی دێت"، سەرباری شەڕی لێدوان و هەڵچونی ئێستای هەردولا. . عادل عەبدولمەهدی ئاماژەى بەوەکرد، هەوڵى زۆریان داوە و بەردەوامن بۆ دۆزینەوەى ڕێگا چارەیەك بۆ كۆتاییهێنان بە پرسی ئاڵۆزی نێوان ئێران و ئەمریكا. .سەرۆکوەزیرانى عێراق ئاشکراشى کرد، سێ پەیوەندی تەلەفۆنی لەگەڵ "مایك پۆمپیۆ" وەزیری دەرەوەی ئەمریكا ئەنجامداوە پێش سەردانەكەی بۆ عێراق، بۆ بەدوورگرتنی ناوچەكە و بەتایبەت عێراق لە هەرەشەڕ و مەترسییەك. .عەبدولمەهدی ئەوەشی ڕاگەیاند، لە داهاتویەكی نزیكدا سەردانی توركیا دەكات، لەو سەردانەدا وتووێژ و گفتوگۆ دەكەن سەبارەت بە خاڵە هاوبەشەكانی هەردوولا، بە تایبەت مەلەفی ئەمنی و پرسی ئاو. . .