گه‌ڕان

Shadow Shadow
سیاسه‌تی

وێنەکان ببینە

لاهور شێخ جەنگی چووە ئەو چێشتخانەیەی کە دوێنێ هێرشی کرایەسەر

2020.11.23 - 18:01
لاهور شێخ جەنگی چووە ئەو چێشتخانەیەی کە دوێنێ هێرشی کرایەسەر

ناس کورد-

لاهور شێخ جەنگی، هاوسەرۆکى یەکێتی سەردانی چێشتخانەی کامەرانی لە گەڕەکی عەقاری شاری سلێمانی کرد کە دوێنێ لەلایەن چەند چەکدارێکەوە هێرشی کرایەسەر.

 

لاهور شێخ جەنگی لە فەیسبوکی خۆی چەند وێنەیەکی داناوە و نوسیویەتی، "دوانیوەڕۆی ئەمڕۆ دووشەممە (23ی تشرینی دووەمی 2020) سەردانی چێشتخانەی کامەرانم کرد لە عەقاری، ئەم سەردانەش دوای ئەوە بوو کەچەند کەسێکی نابەرپرس بەزەبری چەک پەلاماری خاوەنی چێشتخانەکەیان دا."

 

دەشڵێت، "ئەم جۆرە هەڵسوکەوت وڕەفتارانە لەهیچ کەس قبوڵ ناکرێت وسەرپێچیکاران دەبێت ڕوبەڕوی دادگا بکرێنەوە، دەستخۆشیش لە دەزگا ئەمنییەکان و بە تایبەتی پۆلیسی سلێمانی دەکەم کە لە ماوەیەکی کەمدا توانیان تاوانباران دەستگیربکەن، هەمیشە پشتیوانی سەروەربونی یاسا دەکەم وناهێڵین کەس لەژێر سێبەر وسایەی ئێمەدا یاساشکێنی بکات."

127127921_10158198618474398_1895920974763096075_n.jpg?_nc_cat=110&ccb=2&_nc_sid=8bfeb9&_nc_eui2=AeFf9-j0X5O7AHqsJ8U0mVxMin1dl4ar3t6KfV2Xhqve3qRwShRVurs2isofANNCHIc&_nc_ohc=45tLuLAMHUoAX_jspFe&_nc_ht=scontent.fisu6-1.fna&oh=1a30d04f122f819cc198d32c1df2235a&oe=5FE30158126869495_10158198618699398_9001259700057158778_n.jpg?_nc_cat=100&ccb=2&_nc_sid=8bfeb9&_nc_eui2=AeEyKsREXx7n45_AYIY7ySvgcC16bfFFWeNwLXpt8UVZ45Zt27cDXC1kq7tBwvpTFp4&_nc_ohc=9YbIHyJ-NdUAX_OpsZU&_nc_ht=scontent.fisu6-1.fna&oh=e2f9741a8debda6c13451a61bc1d8225&oe=5FE330EA127199468_10158198618709398_7684129472361815506_n.jpg?_nc_cat=107&ccb=2&_nc_sid=8bfeb9&_nc_eui2=AeHqWQHu1axHpXBfvmQR2c-KKrzTxDw8On4qvNPEPDw6fsX_wyJ3-PYgT0bZEVLzS5U&_nc_ohc=xCdBfLf8hYsAX9oNMtj&_nc_oc=AQkfa2jC4Rp5dxMBBOjRRgc1Knz7A46TpSrc1PYwd7Shxd8pej6S4Schqf-wNJZI3Y0&_nc_ht=scontent.fisu6-1.fna&oh=f6409b9b615843e658688d365259c98c&oe=5FE31A2B126834080_10158198618484398_166847794261338767_n.jpg?_nc_cat=108&ccb=2&_nc_sid=8bfeb9&_nc_eui2=AeGCgHh3FAv5UWdno7HVzEaz3f2VCYfX2uLd_ZUJh9fa4vEWK8PpxfH-DBpgfqMqlp4&_nc_ohc=8St2Dc7tc30AX_WySVh&_nc_ht=scontent.fisu6-1.fna&oh=884a1a8c44616824a730933fd6cb70bd&oe=5FE32A1F

 

سەرۆكایەتی دادگای تێهەڵچونەوەی ناوچەی سلێمانی لەسەر هەڵکوتانە سەر چیشتخانەیەک لە شاری سلێمانی رایگەیاند، توندترین ڕێكاری یاسایی بەرامبەر هەركەسێك دەگرنە بەر كە بیەوێت ئارامیی شار تێك بدات.  

  

دادگاکە (23ی تشرینی دووەمی 2020) لە راگەیەنراوێکدا کە وێنەیەکى دەست "ناس کورد" کەوتووە ئاماژەى بەوەکردووە، ‌ پاش ئەوەی دوێنێ‌ چه‌ند كه‌سێك هەڵیانکوتایە سەر چێشتخانەیەكی شاری سلێمانی و ئازاری‌ خاوەنەكەی ده‌ده‌ن (كە‌ ڤیدیۆی كاتی رووداوەكە له ‌تۆڕه‌ كۆمه‌ڵایه‌تییه‌كان بڵاوبووه‌وه‌)، لەسەر سكاڵای خاوەنی چێشتخانەكە و بەفەرمانی دادوەری لێكۆڵینەوە هەموو ئەو كەسانە دەستگیركراون و ‌ئێستا راگیراون و لێكۆڵینه‌وه‌ له‌گه‌ڵیاندا به‌رده‌وامه.  

  

جەختی لەوەشکردووەتەوە، "سەرجەم هاووڵاتیان دڵنیا دەكەینەوە كە دادگاكان بەپێی یاسا توندترین ڕێكاری یاسایی بەرامبەر هەركەسێك دەگرنە بەر كە بیەوێت ئارامیی شار تێكبدات و دڵەڕاوكێ بڵاو بكاتەوەو تاوان ئەنجام بدات و بەهیچ جۆرێك چاوپۆشیی لە هیچ كەسێك ناكرێت".  

  

دوێنێ خاوەنى چێشتخانەى کامەران لە عەقارى شارى سلێمانى ڕایگەیاند، هێزێکى چەکدار هەڵیانکوتاوەتە سەر چێشتخانەکەى دەستیانکردووە بە لێدان و فەلاقەکردنى.    

  

عەمید ئاسۆ شێخ تەها، بەڕێوەبەری پۆلیسی پارێزگاری سلێمانی  لە لێدوانێکیدا بۆ "ناس کورد" (22ى تشرینى دووەمى 2020) رایگەیاند "ئەو كەسانەی هێرشیانكردە سەر چێشتخانەكەی گەڕەكی عەقاری دەستگیركراون".      

  

وتیشى، "هێرشبەرانی سەر چێشتخانەی كامەران دەستبەسەرن و لێكۆڵینەوە لەگەڵیان بەردەوامە".   

  

لەکۆنگرەیەکى ڕۆژنامەوانیدا، کە پەیامنێرى "ناس کورد" ئامادەى بوو، وەستا کامەران خاوەنى چێشتخانە و کەبابخانەى وەستا کامەران لەگەڕەکى شارى عەقارى سلێمانى ڕایگەیاند :"دوا نیوەڕۆى ئەمڕۆ هێزێکى چەکدار بەدوو وەنەوشەى جام ڕەشەوە هێرشیان کردە سەرمان لەناو چێشتخانەکەدا بە 12 کەس پەلاماریاندام و پەنجەشم بەو هۆیەوە بریندارە و بەلەقە و شەق لێیاندام و گرتەى ڤیدیۆیشمان لەسەر هێرشەکەیان هەیە".