گه‌ڕان

Shadow Shadow
چیرۆكه‌كانمان

ساڵێكە سێ‌ وەزارەتی حكومەت هیچ چالاكییەكیان بڵاونەكردۆتەوە

11 وەزارەت و دەستە لە حكومەتی هەرێمدا ماڵپەری تایبەتیان نییە

2019.05.14 - 11:46
11 وەزارەت و دەستە لە حكومەتی هەرێمدا ماڵپەری تایبەتیان نییە
ناس كورد- شەهرام عەزیز لە كۆی 33 فەرمانگە و دەستە و وەزارەتی حكومەتی هەرێمی كوردستان، 11یان ماڵپەڕی تایبەتی خۆیان نییە بۆ بڵاوكردنەوەی هەواڵ و چالاكییەكانیان و سێ‌ وەزارەتی دیكەش لە ساڵی ڕابردووەوە هیچ چالاكییەكیان بڵاونەكردۆتەوە. . بەپێی بەدواداچوونێكی ناس كورد كە لەسەر ماڵپەری فەرمی حكومەتی هەرێمی كوردستان ئەنجامیداوە، لە كۆی 23 وەزارەت چوار وەزارەتیان ماڵپەڕی تایبەتی خۆیان نییە بۆ بڵاوكردنەوەی هەواڵ و كار و چالاكییەكانیان و ماڵپەڕی وەزارەتی كاروباری كۆمەڵایەتیش كار ناكات. . ئەو چوار وەزارەتەی كە ماڵپەڕیان نییە بریتین لە وەزارەتی ناوخۆ، وەزارەتی ڕۆشنبیری و لاوان، وەزیری هەرێم بۆ كاروباری ژینگە و وەزیری هەرێم بۆ كاروباری پەرلەمان. . وەزارەتی ناوخۆ كە وەزارەتێكی گرنگ و خزمەتگوزارییە و پەیوەندییەكی زۆری بە هاووڵاتیانەوە هەیە بەگوێرەی ماڵپەری فەرمی حكومەتی هەرێم، ئەو وەزارەتە هیچ ماڵپەرێكی نییە. . هاوكات بەگوێرەی بەدواداچوونەكەی ناس كورد، لە كۆی 10 دەستە و فەرمانگە تەنها سێ دەستە و فەرمانگە ماڵپەڕیان هەیە و حەوتەكەی دیكە ماڵپەڕییان نییە. . هەریەك لە دیوانی سەرۆكایەتی هەرێم، فەرمانگەی میدیا و زانیاری/ وتەبێژی حكومەت، سەرۆكی دیوانی ئەنجومەنی وەزیران، سكرتێری ئەنجومەنی وەزیران، دەستەی وەبەرهێنان، فەرمانگەی هەماهەنگی و بەدواداداچوون، دەستەی گشتی ناوچە كوردستانییەكانی دەرەوەی ئیدارەی هەرێم و ئەنجومەنی باڵای كاروباری خانمان، ماڵپەڕی تایبەتییان نییە. . هەروەها، هەریەك لە ماڵپەڕەكانی وەزارەتی سامانە سروشتییەكان، وەزارەتی كشتوكاڵ و وەزارەتی پلاندانان لە ساڵی ڕابردووە هیچ چالاكییەكان تێدا بڵاونەكراوەتەوە. .