ناس کورد-
سەرکردایەتیى پرۆسە هاوبەشەکانى عێراق ئاشکرایکرد، هێزى ئەمنیى فیدراڵى گەیشتوونەتە قەزاى شنگال و ڕێککەوتنى تایبەت بە قەزاکە کەوتوەتە بوارى جێبەجێکردنەوە، ڕاشیگەیاند، نە پێشمەرگە و نە هیچ هێزێکى تر لە شنگال بوونى نییە.
کەناڵی ناس کورد لە تێلیگرام جۆین بکە
لیوا تەحسین خەفاجى، وتەبێژى سەرکردایەتیى پرۆسە هاوبەشەکان (شەممە 21ى تشرینى دووەمى 2020) بە ئاژانسی فەرمیی عێراقی ڕاگەیاند: " دەستکراوە بە جێبەجێکردنى ڕێککەوتنى شنگال کە خۆى لە بوونى هێزە فیدراڵیەکان لەناو قەزاکەدا دەبینێتەوە، نە پێشمەرگە و نە هیچ هێزێکى تر لە شنگال بوونى نییە و سوپا بەرپرسیارێتى دەگرێتە دەست."
ئاماژەی بەوەشكردووە: "هێزى پۆلیسى فیدراڵى نێردراو بۆ قەزاى شنگال دەستیان کردووە بە ئەرکەکەیان و مەلەفى ئەمنى قەزاکەیان وەرگرتووە، فیرقەى شەشى پۆلیسى فیدراڵى بەرپرس دەبێت لە ئیدارەدانى مەلەفى ئەمنى.
خەفاجى هێماى بۆ ئەوەشکردووە، مەلەفى ئەمنیى ناوخۆى شنگال لەدەستى پۆلیس و ئاسایشى نەتەوەیى دەبێت، دەرەوەى قەزاکەش بەرپرسیارێتى سوپایە.
بەرەبەیانی دوێنێ هەینی 20ی تشرینی دووەمی 2020، سێ لیوای پۆلیسی فیدڕاڵی گەیشتنە قەزای شنگال و لە قەزاکە بڵاوەیان پێکرا.
