ناس کورد-
لەدیاردەیەکی گەردوونی سەرنجڕاکێشدا کە هەموو ساڵێک دووبارە دەبێتەوە، بۆ ماوەی 66 ڕۆژ خۆر لە ئاسمانی شاری (ئۆتکیاگڤیک) لە وڵایەتی ئەلاسکای ئەمەریکا نامێنێت و دوای 66 ڕۆژی دیکە جارێکی دیکە خۆر لەو شارە هەڵدێتەوە.
کەناڵی ناس کورد لە تێلیگرام جۆین بکە
بەگوێرەی تویتێکی خزمەتگوزاریی "کەشی نیشتیمانی ولایەتی ئەلاسکا" کە لە هەژماری فەرمیی دامەزراوەکە بڵاوکراوەتەوە و " ناس کورد" بینوویەتی ( 20ی تشرینی دووەمی 2020) ئاماژە بەوەکراوە: "ئێوارەی ئەمڕۆ کاتژمێر 1:30 بەکاتی ئەلاسکا خۆرئاوادەبێت و بۆ ماوەی 66 ڕۆژ خۆر لە ئاسمانی شارەکەدا نابینرێت و شارەکەش دەچێتە چوارچێوەی دیاردەی شەوی بەستەڵەکییەوە".
ئاماژە بەوەشکراوە: " بڕیارە خۆر جارێکی دیکە لە 23ی کانوونی دووەمی 2021 دا ڕووبکاتەوە ئاسمانی شارەکە، بۆیە دەڵێین شەوێکی شاد ئۆتکیاگڤیک".
شاری ئۆتکیاگڤیک پێشتربە ناوی ( پارو)وەوە ناسراوە دەکەوێتە بەشی باکوری بەستەڵەکی باکوریی ڕووی زەوی، لەئێستادا زیاتر لە چوارهەزار کەس لەو شارەدا دەژین وپێشەی سەرەکی دانیشتوانەکەشی ڕاوی ماسی و نەهەنگە.
