گه‌ڕان

Shadow Shadow
سیاسه‌تی

لێپرسینەوەیان لێدەکرێت

سێ وەزیری حکومەتی هەرێم بانگهێشتی پەرلەمانی کوردستان دەکرێت

2020.11.18 - 17:54
App store icon Play store icon Play store icon
سێ وەزیری حکومەتی هەرێم بانگهێشتی پەرلەمانی کوردستان دەکرێت

ناس کورد-کاروان مەحمود 

جێگری سەرۆکی لیژنەی ئەوقاف و کاروباری ئاینی لە پەرلەمانی کوردستان رایگەیاند، لەسەر گرفتی وەرنەگرتنی خوێندکارانی ئیسلامی لە زانکۆ و پەیمانگاکان بەدواداچوون دەکەین و بۆ ئەوەش هەر سێ وەزیری پەروەردە، خوێندنی باڵاو وەزیری ئەوقاف بانگهێشتی پەرلەمان دەکەین.

 

کەناڵی ناس کورد لە تێلیگرام جۆین بکە   

ئیحسان رێکانی، جێگری سەرۆکی لیژنەی ئەوقاف و کاروباری ئاینی لە پەرلەمانی کوردستان (18ی تشرینی دووەمی 2020) بە "ناس کورد"ی راگەیاند، بەهۆی ئەو ناهەقیەی بەرانبەر دەرچووانی خوێندنگە ئیسلامییەکان دەکرێت ماوەی چەند ساڵێکە وەکو پێویست لەکاتی گەڕانەوەی ناوی قوتابیانی وەرگیراو لە زانکۆو پەیمانگاکان ناوی خوێندکارانی ئیسلامی تێدا نییە، ئێمە وەکو لیژنەی ئەوقاف لە پەرلەمانی کوردستان بەدواداچوونی جدی دەکەین چونکە بۆ ئەمساڵ لە سنوری دهۆک هیچ خوێندکارێکی ئیسلامی ناویان نەگەڕاوەتەوە.

 

جەختی لەوەشکردەوە، لە کۆبوونەوەی رۆژی (18ی تشرینی دووەمی 2020)ی لیژنەی ئەوقاف و کاروباری ئاینی داوامانکرد لە کۆبوونەوەیەکی پەرلەمانی کوردستان هەر سێ وەزیری پەیوەندیدار بەو پرسە کە وەزیری خوێندنی باڵا، وەزیری پەروەردە و وەزیری ئەوقاف-ە بانگھێشتی پەرلەمانی کوردستان بکرێن و بەدواداچوون لەبارەی ئەو پرسە بکرێت.