گه‌ڕان

Shadow Shadow
سیاسه‌تی

بارزانى: کوڕێکم لەدەستدا

2020.11.18 - 12:08
App store icon Play store icon Play store icon
بارزانى: کوڕێکم لەدەستدا

ناس کورد-

 

مەسعود بارزانى سەرۆکى پارتى رایگەیاند، لەدەست دانی گەنجێكی وەك د. فرسەت خەسارەتێكی گەورەیە، "كوڕێكی خۆم لەدەستدا".

کەناڵی ناس کورد لە تێلیگرام جۆین بکە   

 

بارزانى لە راگەیەنراوێکدا کە وێنەیەکى دەست "ناس کورد" کەوتووە ئاماژەى بەوەکردووە "د. فرسەت كادیرێكی نیشتیمانپەروەر و چالاك بوو كە لە ماوەیەكی كەمدا توانی خۆی بسەلمێنێ و جێگەی خۆی لەناو دڵی جەماوەردا بكاتەوە".



دەقى راگەیەنراوەکە:

 

پەیامی سەرەخۆشیی سەرۆك بارزانی بۆ كۆچی دوایی د. فرسەت سۆفی پارێزگاری هەولێر

 

بەناوی خودای بەخشندە و میهرەبان

 

هەواڵی كۆچی دوایی د. فرسەت سۆفی پارێزگاری هەولێر زۆر خەمبار و دڵتەنگی كردم. خوالێخۆشبوو د. فرسەت سۆفی نموونەی لێهاتوویی و دڵسۆزی و دەستپاكی و، كادیرێكی نیشتیمانپەروەر و چالاك بوو كە لە ماوەیەكی كەمدا توانی خۆی بسەلمێنێ و جێگەی خۆی لەناو دڵی جەماوەردا بكاتەوە. لەدەست دانی گەنجێكی دڵسۆزی وەك د. فرسەت خەسارەتێكی گەورەیە، كوڕێكی خۆم لەدەست دا.

 

سەرەخۆشی لە خۆمان و خانەوادە و كەسوكاری خوالێخۆشبوو د. فرسەت  و هەموو هاوكارانی لە حكوومەت و پارێزگا و تەواوی خەڵكی شاری هەولێر دەكەم و لە خودای گەورە داواكارم جێگەی بەهەشت بێت و سەبر و ئارامی بە هەموو لایەك ببەخشێت.

انا للە و انا الیە راجعون

مسعود بارزانی

18ـی تشرینی دووەمی 2020