گه‌ڕان

Shadow Shadow
سیاسه‌تی

وردەکاری بخوێنەوە

زیانە گیانییەکانى ئەو هێرشەی شەوی ڕابردوو ناوچەی سەوزی هەژاند

2020.11.18 - 09:13
App store icon Play store icon Play store icon
زیانە گیانییەکانى ئەو هێرشەی شەوی ڕابردوو ناوچەی سەوزی هەژاند

ناس کورد-

فەرماندەیی ئۆپراسیۆنە هاوبەشەکانى عێراق رایگەیاند، بەهۆى هێرشە موشەکییەکەى شەوى ڕابردووەوە بۆ سەر ناوچەى سەوز، منداڵێک کوژراوە و پێنج کەسى دیکەش برینداربوون.

کەناڵی ناس کورد لە تێلیگرام جۆین بکە   

 

فەرماندەییەکە لە بەیاننامەیەکدا (17 تشرينى دووەمى 2020) کە وێنەیەکى دەست "ناس کورد" کەوتووە ئاماژەى بەوەکردووە، هێرشە موشەکییەکە بۆ سەر چەند ناوچەیەک بووە، وەک گۆڕەپانى ئاهەنگەکان و ناوچەکانى دەوروبەرى، ناوچەکانى نزیک مەدینە توب و زەورا، کە بووەتە هۆى گیان لەدەستدانى منداڵێک و برینداربوونى پێنج هاوڵاتى مەدەنى.



درەنگانى شەوى رابردوو دوای چەند خولەکێک لە بڕیاری پنتاگۆن بۆ کشانەوەى بەشێک لە هێزەکانی لە عێراق و ئەفغانستان، هێرشێکی موشەکی کرایە سەر ناوچەی سەوزی بەغدا.



سەرچاوەیەکی ئەمنی بە مەرجی بڵاونەکردنەوەى ناوەکەى بە "ناس"ی ڕاگەیاند (17ی تشرینی دووەمی 2020)، "شەش موشەک ئاڕاستەى ناوچەى سەوزی بەغدا کراوە و زەنگی ئاگادارکردنەوەش لە باڵیۆزخانەی ئەمریکا لە بەغدا لێدراوە."

 

گروپێکی چەکداری بەناوی "اصحاب الكهف" بە فەرمی بەرپرسیارێتی خۆی لە هێرشەکە ڕاگەیاند و دەڵێت، "بنکەی سەربازیی ئەمریکیمان لە باڵیۆزخانەی ئەمریکا لە بەغدا کردووەتە ئامانج."