گه‌ڕان

Shadow Shadow
سیاسه‌تی

دەوامی قۆناغی یەکەم دەستپێدەکات

خوێندنى زانکۆ و پەیمانگاکان بۆ قۆناغى یەکەم دەستپێدەکات

2020.11.17 - 19:28
App store icon Play store icon Play store icon
خوێندنى زانکۆ و پەیمانگاکان بۆ قۆناغى یەکەم دەستپێدەکات

ناس کورد-

سەرۆکى زانکۆى سلێمانى دەڵێت، هەفتەى داهاتوو خوێندکارانى قۆناغى یەک دەستدەکەن بە دەوام و چاوەڕێى ڕێنماییەکانى تایبەت بە کۆرۆناشن بۆ دابەشکردنى بەشە ناوخۆیى، سەرۆکى زانکۆى سەڵاحەدینیش دەڵێت، لەم هەفتەیەکدا خوێندکارانى قۆناغى یەک بەشێوەى ئاوێتە دەست دەکەن بە دەوامکردن.

کەناڵی ناس کورد لە تێلیگرام جۆین بکە   

 

د. ڕەزا حەسەن سەرۆکى زانکۆى سلێمانى (سێشەممە 17ى تشرینى دووەمى 2020) لە لێدوانێکى تایبەتدا بە "ناس کورد"ى وت: "سەبارەت بە خوێندکارانى قۆناغى یەک تائێستا لەلایەن وەزارەتەوە دابەزین و گواستنەوە و میواندارى بەردەوام بووە و لە هەفتەى داهاتووەوە ئەوانیش دەستدەکەن بە دەوام، ئەویش بەشێوەى سیستمى ئاوێنە وەک هەموو قۆناغەکانى تر."

 

سەبارەت بە دابەشکردنى بەشە ناوخۆییەکان وتى، ئەو بابەتە پەیوەستە بە ڕێنماییە تەندروستیەکان و ڕەزامەندى هەردوو کۆمپانیاى پاکەرەوە و چاکەرەوەى بەشە ناوخۆییەکانیش، هەوڵدەدەین خوێندکاران لەناو کەمپەس و بەشە ناوخۆییەکانیشدا دەوام بکەن بەتایبەتى ئەوانەى کە پێویستیان پێیەتى.

 

لەلایەکى ترەوە د. جەوھەر فەتاح، سەرۆكی زانكۆی سەڵاحەددین لە هەولێر بە "ناس کورد"ى ڕاگەیاند، لەم هەفتەیە قۆناغى یەک دەستدەکەن بە دەوام و وەک قۆناغەکانى تر بە شێوەى ئاوێتە دەوام دەکەن.

 

جەختیلەوەشکردەوە، هەرچى بەشە ناوخۆییەکانیشە بەهۆى پەتاى کۆرۆناوە چاوەڕێى بڕیارى لیژنەى بەرەنگاربونەوەى ڤایرۆسى کۆرۆناین، چونکە ژیانى خوێندکاران و کەسوکاریان بەلامانەوە گرنگترن لە فەوتانى چەند هەفتەیەکى خوێندن.