گه‌ڕان

Shadow Shadow
سیاسه‌تی

تاچەند کاریگەرە؟

لێدوانى ئانتۆنی فاوچی لەبارەى ڤاکسینەکەى کۆمپانیای مۆدێرنا

2020.11.17 - 14:27
App store icon Play store icon Play store icon
لێدوانى ئانتۆنی فاوچی لەبارەى ڤاکسینەکەى کۆمپانیای مۆدێرنا

ناس کورد- 

پسپۆڕی باڵای نەخۆشیە گواستراوەکانی ئەمەریکا ئانتۆنی فاوچی لە لێدوانێکدا بۆ دەزگای هەواڵی فرانس پرێس پێشوازی لە ڕاگەیاندنەکەی کۆمپانیای مۆدێرنای ئەمەریکا کرد سەبارەت بەوەی ئەو ڤاکسینەی بەرهەمی هێناوە دژی ڤایرۆسی کۆرۆنا کە هێشتا لە تاقیکردنەوەدایە لە سەدا نزیکەی 95 کاریگەرە.

 

کەناڵی ناس کورد لە تێلیگرام جۆین بکە   

ئەندامی کۆمەڵەی کاری سەرۆکایەتی بۆ ڕووبەڕووبوونەوەی ڤایرۆسی کۆرۆنا و کەسایەتیەکی دیار لە ئەمەریکا ئانتۆنی فاوچی وتی " بیرۆکەی ئەوەی ڤاکسینێکمان هەبێت لە سەدا 95 دژی ڤایرۆسی کۆرۆنا کاریگەر بێت شتێکی زۆر سەرسوڕهێنەرە."

 

وتیشی " ئەم ئەنجامە بەڕاستی سەرسوڕهێنەرە، پێم وانیە کەس باوەڕی کردبێت بەم شێوەیە باش بێت."

 

ڤاکسینی مۆدێرنا لەسەر تەکنەلۆجیای نوێ بەرهەم هێندراوە و کارەکەی ئەوەیە ڕێنمایی بۆماوەیی دەنێرێت بۆ خانەکانی مرۆڤ تاوەکو ناچارییان بکات پڕۆتینێک بڕێژنە ناو لەشەوە کە هاوشێوەی پڕۆتینی ڤایرۆسی کۆرۆنا بێت و بەو هۆیەشەوە وادەکات سیستمی بەرگری لەش دژی ئەو پڕۆتینە کاربکات.

 

فاوچی وتی " زۆرێک گومانیان هەبوو لەسەر ئەم تەکنەلۆجیایە کە هێشتا تاقی نەکرابۆوە بەڵام کاریگەریی خۆی سەلماند، تەنانەت هەندێک ڕەخنەشیان لێدەگرت."

 

هەفتەی ڕابردووش هەردوو کۆمپانیای فایزەری ئەمەریکی و بایۆنتیکی ئەڵمانی پێکەوە ڤاکسینەکەیان دژی کۆرۆنا ڕاگەیاند کە هەمان تەکنەلۆجیای تیادا بەکارهاتووە و لەسەدا 90 کاریگەری هەبووە دژی ڤایرۆسەکە.

 

بەپێی فاوچی، ئەم دوو ئەنجامە پارێزراوی ئەم تەکنەلۆجیایە دەسەلمێنێت چونکە " داتاکان خۆیان قسە دەکەن."

 

وتی " پێم وایە کاتێک دوو ڤاکسینی لەم شێوەیەت هەبێت کە زیاتر لە سەدا 90 کاریگەرییان هەبووە، چیتر تەکنەلۆجیاکە ناچار نیە بەڵگەی زیاتر لەسەر کاریگەرییەکەی بخاتەڕوو."