گه‌ڕان

Shadow Shadow
سیاسه‌تی

ناوەڕۆکی کۆبوونەوەکە بخوێنەوە

کازمی لەگەڵ وەزارەتی دارایی و کۆمسیۆنی هەڵبژاردنەکاندا کۆبوویەوە

2020.11.16 - 17:07
App store icon Play store icon Play store icon
کازمی لەگەڵ وەزارەتی دارایی و کۆمسیۆنی هەڵبژاردنەکاندا کۆبوویەوە

ناس کورد-

سەرۆکوەزیرانی عێراق داوای لە کۆمسیۆنی باڵای هەڵبژاردنەکان و وەزارەتی دارایی عێراق کرد ئەو ڕێکارانە بگرنە بەر کە دەبنەهۆکاری مسۆگەرکردنی ئەنجامدانی هەڵبژاردنەکانی مانگی حوزەیرانی داهاتوو، جەختیشی کردووەتەوە کە سیستمی بایۆمەتری تاکە ڕێگە دەبێت بۆ دەنگدانی هاووڵاتیان لە هەڵبژاردنەکانی داهاتوودا.

کەناڵی ناس کورد لە تێلیگرام جۆین بکە   

 

 بەگوێرەی ڕاگەیەندراوێکی نوسینگەی سەرۆکوەزیرانی عێراق کە وێنەیەکی دەست " ناس کورد" کەوتووە (16ی تشرینی دووەمی  2020) ئاماژە بەوەکراوە، "مستەفا کازمی، سەرۆکوەزیرانی عێراق لەگەڵ ئەندامانی کۆمسیۆنی هەڵبژاردنەکانی عێراق و وەزیری دارایی عێراق کۆبووەتەوە".

 

ڕاگەیەندراوەکە ئەوەی خستووەتە ڕوو، "کازمی داوای کردووە هەموو لایەنەکان هەماهەنگ بن لە لابردنی ئەو ئەستەنگیانەی کە ئەگەری هەیە دوچاری پڕۆسەکە ببێتەوە لە حوزەیرانی داهاتوو".

 

بەگوێرەی ڕاگەیەندراوەکە، کازمی فەرمانی بە وەزارەتی دارایی کردووە بودجە و دارایی پێویست بۆ ئەنجامدانی پڕۆسەکە دابین بکات و سیستمی بایۆمەتری تاکە ڕێگا بێت بۆ دەنگدانی هاووڵاتیان عێراق لە هەڵبژاردنەکانی دهاتوودا".