گه‌ڕان

Shadow Shadow
سیاسه‌تی

کێشەى بەشە ناوخۆییەکان

شاسوار عەبدولواحید: دەسەڵات رازی نییە

2020.11.15 - 18:55
App store icon Play store icon Play store icon
شاسوار عەبدولواحید: دەسەڵات رازی نییە

ناس کورد-

شاسوار عەبدولواحید رایگەیاند، دەسەڵات رازی نییە بینا بە کرێ بگرن بۆ بەشی ناوخۆیی خوێندکاران و قوتابییانى زانکۆ و پەیمانگاکان.

 

کەناڵی ناس کورد لە تێلیگرام جۆین بکە   

شاسوار عەبدولواحید سەرۆکى جوڵانەوەى نەوەى نوێ لە لاپەڕەى خۆى لە فەیسبوک  (15ی تشرینی دووەمی 2020) نوسیویەتى "دوو رۆژە دوو بینای گەورەمان گرتووە بە کرێ بۆ ئەو خوێندکارانەی کە شوێنیان نییە و حکومەت و وەزارەتی خوێندنی باڵا بەشی ناوخۆییان ناداتێ، کەچی ئاسایشی گشتی لە سلێمانی رەزامەندی دەرنەبڕیوە کە گرێبەستی بەکرێگرتنەکە ئەنجام بدرێت و ئەو دوو بینایە بە کرێ بگرین".

 

وتیشى "هەروەها دوێنێ سەرۆکی فراکسیۆنی نەوەی نوێ سەردانی بەشە ناوخۆییەکانی کردوە لە شاری سلێمانی و چاوی کەوتووە بە بەرپرسی بەشە ناوخۆییەکان و پێی راگەیاندووە کە ئەگەر کێشەی خزمەتگوزارییان هەیە، ئەوا ئێمە وەک نەوەی نوێ کۆمپانیاتان بۆ دەهێنین و چارەسەری کێشەکە دەکەین، لە وەڵامدا وتویانە ئەوە بە دەست ئێمە نییە و بەدەست وەزیری خوێندنی باڵایە".

 

شاسوار عەبدولواحید باسى لەوەشکردووە، ئەمڕۆش پەرلەمانتارێکى نەوەی نوێ قسەی لەگەڵ وەزیری خوێندنی باڵا کردوە و هەمان شتی پێوتوە "کە ئەگەر کێشەی کۆمپانیای خزمەتگوزاریان هەیە ئەوە ئێمە وەک نەوەی نوی بۆیان چارەسەر دەکەین، ئەویش وتویەتی بە دەست من نییە و بە دەست وەزیری تەندروستییە".