گه‌ڕان

Shadow Shadow
سیاسه‌تی

پێشنیازێک بۆ چارەسەرکردنی موچە

وتەبێژی فراکسیۆنی پارتی پێشنیازێک بۆ تێپەڕاندنی دۆخەکە دەخاتەڕوو

2020.11.15 - 13:09
App store icon Play store icon Play store icon
وتەبێژی فراکسیۆنی پارتی پێشنیازێک بۆ تێپەڕاندنی دۆخەکە دەخاتەڕوو

ناس کورد-

وتەبێژی فراکسیۆنی پارتی لە پەرلەمانی کوردستان ڕایگەیاند، ئەم هەفتەیە پەرلەمان لەسەر پرسی موچەی فەرمانبەران کۆدەبێتەوە، دەشڵێت، عێراق هەریمی خستووەتە دۆخێکەوە لایەنەکانی هەرێم جگە لەوەی پێکەوە بەدوای چارەسەردا بگەڕێن ڕێگەیەکی دیکەیان نییە.

کەناڵی ناس کورد لە تێلیگرام جۆین بکە   

 

پێشەوا هەورامی، وتەبێژی فراکسیۆنی پارتی لە پەرلەمانی کورستان (15ی تشرینی دووەمی 2020) لە فەیسبوکی فەرمیی خۆی ڕایگەیاند: "عێراق ئێمەی خستووەتە دۆخێکەوە، جگە لەوەی پێکەوە بەدوای چارەسەربگەڕێین ڕێگایەکی دیکەمان نییە."

 

ئاماژەی بەوەشكردووە: " کاتی موزایەدەو لێڵکردنی بەرچاوی خەڵک نییە، ئەم دۆخە سەختە لەبار نییە بۆ ئەوەی دوژمنایەتی یەکتروو ملشکاندنی تێدا بکەینە دەرفەت."

 

وتەبێژی فراکسیۆنی پارتی باسی لەوەشكردووە: " سێ سەرۆکایەتییەکە لەکۆبوونەوەدان پەرلەمانیش بۆ ئەم بابەتە ئەم هەفتەیە کۆدەبێتەوەو هەمووان بۆ چارەسەر دەگەڕێین."

 

پێشەوا هەروامی جەختیشیکردووەتەوە: " من دەمێکە هاوار دەکەم و بۆچوونی کەسیی خۆم ئەوەیە، چارەسەر لە بەغدا نییە، بەڵکو لێرەوەیە لەبندەستی خۆمان."