گه‌ڕان

Shadow Shadow
سیاسه‌تی

’’پەلاماری هەرێم دەدرێت’’

لێکدانەوەی ئاڵدار خەلیل بۆ گرژییەکانی پارتی و پەکەکە

2020.11.15 - 11:36
App store icon Play store icon Play store icon
لێکدانەوەی ئاڵدار خەلیل بۆ گرژییەکانی پارتی و پەکەکە

ناس کورد-

ئاڵدار خەلیل، ئەندامی دەستەی هاوسەرۆکایەتیی پارتی یەکێتیی دیموکراتی (پەیەدە) ڕایگەیاند، ئاسایشی باشوری کوردستان (هەرێمی کوردستان) پەیوەستە بە مانەوەی پەکەکە و ئەگەر پەکەکە نەمێنێت پەلاماری باشور دەدرێت.

کەناڵی ناس کورد لە تێلیگرام جۆین بکە   

 

ئاڵدار خەلیل لە وتارێکدا کە لە فەیسبوکی فەرمیی خۆی بڵاویکردووەتەوە و ناس کورد بەدواداچوونی بۆ کردووە، ڕایگەیاند: "ئەو گرژییەی لەنێوان پەکەکە و باشوری کوردستان دروستکراوە، ئامانج لێی شەڕکردنی کوردە بە شمشێری کورد".

 

ئاماژەی بەوەشكردووە: " ئەگەر هێزەکانی باشور بەرەنگاری پەکەکە ببنەوە کە خاوەن دیدێکی تایبەتە بۆ خەباتکردن، بێگومان هەر ئەو لایەن و دەوڵەتانە باشوریش دەکەن بە ئامانج، وەک چۆن لە ڕیفراندۆمی 2017 بینیمان، ئەوان ئێستا بە ئامانجی دژایەتی پەکەکە پاڵپشتی باشور دەکەن، بەڵام ئەگەر پەکەکە نەمێنێت پەلاماری باشور دەدەن."

 

جەختیشیکردووەتەوە: " ئەگەر پەکەکە بکەوێتە مەترسییەوە باشور و باکور و ڕۆژهەڵات و ڕۆژئاوا هیچ ئۆقرەییەکیان نابێت، پێویستە هەموو هێز و لانەیەکان و هاووڵاتیانی کوردستان ئەو ڕاستییە بزانن."