گه‌ڕان

Shadow Shadow
سیاسه‌تی

زیانی هەیە؟

هێرشی جۆرە مێروویەک بۆسەر هەڵەبجە دانیشتوانەکەى هەراسان کردووە

2020.11.15 - 09:40
App store icon Play store icon Play store icon
هێرشی جۆرە مێروویەک بۆسەر هەڵەبجە دانیشتوانەکەى هەراسان کردووە

ناس کورد-

بەرپرسێکی کشتوکاڵی هەڵەبجە لەبارەی بارینی جۆرە مێروویەک لەگەڵ باراندا ڕوونکردنەوە دەدات و دەڵێت، هیچ مەترسییەکی نییە و شەپۆلێک بووە هاتووە، داواش لە هاووڵاتیان دەکات هیچ جۆرە دەرمانێک بۆ لەناوبردنی بەکارنەهێنن.

کەناڵی ناس کورد لە تێلیگرام جۆین بکە   

 

بارینی جۆرێک لە مێروو لەگەڵ باراندا لە سنوری پارێزگای هەڵەبجە بووەتە باسوخواسی تۆڕەکۆمەڵایەتییەکان و هاووڵاتیانیس سنورەکەی بێزارکردووە.

 

 

شەریف مەحمود، لێپرسراوی بەشی پاراستنی ڕووەک لە بەڕێوەبەرایەتیی کشتوکاڵی هەڵەبجە، بە ناس کوردی ڕاگەیاند: "بەڵێ ڕاستە ئەو مێرووە بەشێوەیەکی بەرچاو بڵاوبووەتەوە لە هەفتەی ڕابردووەوە و لەناو ماڵاندا بەشێوەیەکی زۆر دەبینرێت."

 

وتیشی: "ئەو مێرووە لە دوو ڕێگەوە هاتووە، یەکەم لەگەڵ گۆڕانکاری کەشوهەوادا هەروەک چۆن ئەسپێ لە ئارد دا دروست دەبێت، ئەوەش بەوشێوەیە دروستبووە و لەدوای بارانبارینەوە لەگەڵ باراندا باریوە."

 

"من بەدواداچوونم بۆ کردووە ئەو مێرووە لە مەنهۆڵ و ئاوەڕۆکانیشەوە دێتەدەرەوە و ئەوەش سەرچاوەیەکی دیکەی بڵاوبوونەوەەیەتی بەو ڕێژە زۆرە."، شەریف مەحمود وای وت.

 

لێپرسراوی بەشی پاراستنی ڕووەک لە کشتوکاڵی هەڵەبجە ئاماژەی بەوەشكرد: "جگە لەوەی کە پیسە ئەو مێرووە هیچ زیانێکی نییە و مەترسی نییە بۆسەر مرۆڤ، لەئێستاشدا بەرەو کەمبوونەوە چووە و هاوشێوەی سەرەتا زۆر نییە."

 

شەریف ڕەحیم داوای لە هاووڵاتیانیش کرد هیچ دەرمانێک بەکارنەهێنن بۆ لەناوبردنی مێرووەکە و وتی: "بەکارهێنانی دەرمانی لەناوبردنی مێروو زیانی زیاترە لە سوودەکانی، بەتێپەڕبوونی کات مێرووەکە خۆی نامێنێت و هەر ئەو شەپۆلەش بووە و کۆتایی هاتووە."