گه‌ڕان

Shadow Shadow
سیاسه‌تی

زانیارى زیاتر

هاوسەرى تامر حوسنى گڕ لە تۆڕە کۆمەڵایەتییەکان بەردەدات

2020.11.14 - 20:14
App store icon Play store icon Play store icon
هاوسەرى تامر حوسنى گڕ لە تۆڕە کۆمەڵایەتییەکان بەردەدات

ناس كورد-

 

راگەیاندنى جیابوونەوەى بەسمە بوسێل لە تامر حوسنى تۆڕە کۆمەڵایەتییەکانى بەخۆیەوە سەرقاڵکردووە و تامرى کردووەتە پێشەنگى ترێندینى تویتەر و گەڕانەکانى گۆگڵ.

کەناڵی ناس کورد لە تێلیگرام جۆین بکە   

 

بەپێى سەرچاوەکانى هەواڵى میسر کە ناس کورد بەدواداچوونى بۆ کردووە ( شەممە 14ى تشرینى دووەمى 2020)، دواى ئەوەى بەسمەى هاوسەرى تامر بڵاویکردوەتەوە کە لە هاوسەرەکەى جیابوەتەوە کاردانەوەى زۆرى لە میسر و جیهانى عەرەبى بە گشتى دروستکردووە، بەهۆى ئەوەشەوە تامر بوەتە پێشەنگى ترێندینەکانى تۆڕى کۆمەڵایەتى تویتەر و گەڕانەوەکانى ماڵپەڕى گۆگڵ.

 

دواى پۆستەکەى بەسمە تائێستا تامر بێدەنگى هەڵبژاردوە و هیچ کاردانەوەیەکى فەرمى نەبووە لەو بارەیەوە و بەهۆى ئەوەشەوە دەنگۆکان زیاتر بڵاوەیانکردوە، هەندێک پێبان وایە ڕاست نییە و تەنها پڕوپاگەندەیەکە خۆیان وەک ڕێکلامێک بۆ ئەلبومە نوێکەى تامر بەناوى (خلیک فولازی) بڵاویانکردوەتەوە.

 

بەکارهێنەرانى تۆڕە کۆمەڵایەتیەکان سەبارەت بە گومانەکانیان دەڵێن، چەند ڕۆژێکە تامر و هاوسەرەکەى لە پشویەکى خێزانى گەڕاونەتەوە و پێش ئەوەش ئاهەنگى یادى لەدایکبونى تامریان گێڕاوە و هیچ نیشانەیەکى ئەوە دەرنەکەوتووە کێشە لەنێوانیاندا هەبێت.

 

هەندێک سەرچاوەش باسلەوەدەکەن، بەهیچ شێوەیەک جیانەبونەتەوە و تامر و بەسمە تەنها چەند کێشەیەکى سادەى جیاوازى بیروبۆچن لەنێوانیاندا هەبووە و ئەوەش لە ناوەندى هونەرى زۆر ڕودەدات بەهۆى دڵپیسى هاوسەرگیریەوە، هەندێک سەرچاوەش لە کەسە نزیکەکانى هەردوو هاوسەرەکەوە باسیان لەوەکردوە کە هەردولا سەرقاڵى ئاشتبونەوە و کۆتایى هێنانن بە کێشەکانیان.