گه‌ڕان

Shadow Shadow
سیاسه‌تی

ترلیۆنێک دینار داهاتی هەرێم دەبێت

بەم ڕێگەیە هەرێم داهاتی لە بەشی موچە زیاتر دەبێت

2020.11.14 - 12:03
App store icon Play store icon Play store icon
 بەم ڕێگەیە هەرێم داهاتی لە بەشی موچە زیاتر دەبێت

ناس کورد-

عەلی حەمەساڵح، ئەندامی فراکسیۆنی گۆڕان لە پەرلەمانی کوردستان ڕایگەیاند، ئەگەر بەگوێرەی یاسای پڕکردنەوەی کورتهێنانی دارایی هەرێم لەگەڵ بەغدا ڕێکبکەوێت، مانگانە نزیکەی ترلیۆنێک دیناری دەستدەکەوێت و لە موچەش زیاد دەبێت.

کەناڵی ناس کورد لە تێلیگرام جۆین بکە   

 

عەلی حەمەساڵح، لە هەژماری فەرمیی خۆی لە فەیسبوک (شەممە 14ی تشرینی دووەمی 2020) ڕایگەیاند: "لە دوو ڕۆژی ڕابردوودا، بەدەر لە ھاوار و نیەتی سیاسی، لە خەمی ژیانی خەڵکدا لێکۆڵینەوەیەکم کرد، دەکرێت ڕێککەوتن بکرێت، ئەو ڕێژە نەوتەی پێویستە ( دەکرێت 250 ھەزار بەرمیل بێت) لەگەڵ %50ی رسوماتی گومرگی بیدەن، 756 ملیار دینار ی مانگانە وەربگرین، بەو نەوتەی دەمێنێتەوەو بە داھاتی ناوخۆ زیاتر لە ترلیۆنێکە."

 

ئاماژەی بەوەشكردووە: "حکومەتی هەرێم ئەگەر ڕێکنەکەوێت، بەم بەڕێوەبردنەی ئێستا کەمتر لە 400 ملیار دینار ھەیە بۆ موچە."

 

عەلی حەمەساڵح دەڵێت: " ئێمە ئەمانە دەڵێین، لەبری وەڵامی عەقاڵانی و یاسایی، دەیان تۆمەت و بوختانمان بۆ ڕیز دەکەن، ئەم عەقڵیەیە خەڵکی کوردستان تووشی سەرگەردانی گەورە دەکات، فەرموو پێشنیارەکەی ئێمە ڕەتبدەکەنەوە، بەغدا بەجێبھێڵن ، ئەگەر ئەم عێراقە دژی بەرژەوەندی نەتەوەییە  ھەمان عەقڵیەتی سەدامە  لە سەرۆک کۆمارو جێگری پەرلەمان و وەزیری دارایی و بارەگای حیزبیەکانەوە بەجێی بھێڵن و بگەڕێنەوە کوردستان ."

 

باسی لەوەشکردووە "باشە ئەم عێراقە عروبە بە شیعەو سونەیەوە باوڕی بە مافی کورد نیە! بۆچ لە ئێستاوە لە خەمی ئەوەدان لە عێراقی ئایندەدا چۆن کورسیەکی زیاتر بھێنن، بۆچی پارەی ئەم ھەرێمە لەبانگەشەی ھەڵبژاردن و ساختەکاری لە دەنگدانی  پەرلەمانی عێراقی عروبەدا خەرجدەکەن، ئەگەر ئەمانە چاویان بە کورد ھەڵنیایە بۆ شەڕی ڕاوێژکارو مدیر عامێک بکرێت."

 

جەختیشیکردووەتەوە: "فەرموون وەرنەوە، کۆتایی بەم گەندەلی و قاچاخی و ناشەفافی نەوت بھێنن و لیستی موچە خاوێنبکەنەوە، با ئیشمان بەم عێراقە نەبێت، ئەگەر بە وان بڵێین دوژمنی کورد، کە دەڵێن: پارە نادەین تاوەکو نەوت ڕادەستنەکەن، ئەی بەوانە دەڵێن چی کە بەھێزی ئەمنی دەوڵەت خەریکی قاچاخی دزی و گەندەڵین لە کوردستان، بەوانە دەڵێن چی، لە سایەی سیاسەتی نەوت خەڵکیان بێ موچە کرد؟ خۆیان بوون بە خاوەنی سەدان ملیار دۆلار و فەرمانبەریش بێ موچە؟ ."