گه‌ڕان

Shadow Shadow
سیاسه‌تی

گۆڕان دوو پێشنیاز دەخاتە بەردەم سەرکردایەتیی کورد بۆ مامەڵەکردن لەگەڵ بەغدا

2020.11.13 - 19:05
App store icon Play store icon Play store icon
گۆڕان دوو پێشنیاز دەخاتە بەردەم سەرکردایەتیی کورد بۆ مامەڵەکردن لەگەڵ بەغدا

ناس کورد-

وتەبێژی بزووتنەوەی گۆڕان داوا لە سەرکردایەتیی کورد دەکات، یان لەگەڵ بەغدا بگەنە ڕێککەوتن و پابەندی ڕێککەوتنەکە بن، یاخود بکشێنەوە و پۆستەکان جێبهێڵن.

کەناڵی ناس کورد لە تێلیگرام جۆین بکە   

 

عەدنان عوسمان، وتەبێژی بزووتنەوەی گۆڕان و سکرتێری جڤاتی نیشتیمانیی بزوتنەوەکە، لە فەیسبوکی فەرمیی خۆی (هەینی 13ی تشرینی دووەمی 2020) ڕایگەیاند: " لە سەروبەندی عێراقی نوێ و نوسینی دەستورەکەیدا کەس هێندەى نەوشیروان مستەفا و جەوهەر نامیق باسیان لە وردەکاری و مەترسیەکان نەکرد، ئێستاش کە ئەم دۆخە هاتوەتە پێشەوە پێویستە هەنگاو و بڕیاری ئازایانە بدرێ و بنرێت، یان لەگەڵ بەغدا بگەنە ڕێککەوتن یان پاشەکشێ بکەن و پۆستەکان جێبهێڵن".

 

سکرتێرى جڤاتى نیشتیمانیى بزوتنەوەى گۆڕان ئاماژەی بەوەشكردووە: " بڕیاری پێویست  ئەوەیە، یان پابەندی تەواوی رێککەوتنەکان بن و کە موچەتان پێ دابین ناکرێت دەبێت بڕیاری قورس بدەن، دەبێ لەگەڵ بەغدا بگەنە رێککەوتن لە پێناوی خەڵکدا، یان لەبەغدا پاشەکشێ بکەن و چیتر بەشێک مەبن لە ماشێنی دەسەڵات لە عێراقدا، لە سەرۆک کۆمارەوە تا دوا پۆست بەجێی بهێڵن".

 

ئەوەش لەکاتێکدایە، بەرەبەیانی ڕۆژی پێنجشەممە، بەبێ ڕەزامەندی کورد، یاسای پڕکردنەوەی کورتهێنانی دارایی تێپەڕێندرا و ئەوەش کاردانەوەی زۆری لێکەوتەوە پەیوەندییەکانی هەرێم و بەغدای بەرەو گرژی بردەوە.

 

بەگوێرەی یاساکە، حکومەتی عێراق هیچ بڕەپارەیەک لەو قەرزەی دەیکات بۆ هەرێمی کوردستانی نانێرێت، ئەگەر هەرێمی کوردستان بەشێک لە نەوت و نیوەی داهاتی خاڵەسنورییەکان و ناوخۆ ڕادەستی بەغدا نەکات.