گه‌ڕان

Shadow Shadow
سیاسه‌تی

’’بەشدار مەبن’’

پەرلەمانتارێکی گۆڕان داوایەک لە فراکسیۆنەکەى دەکات: هەمووی خۆڵکردنە چاوی خەڵکە

2020.11.13 - 18:50
App store icon Play store icon Play store icon
پەرلەمانتارێکی گۆڕان داوایەک لە فراکسیۆنەکەى دەکات: هەمووی خۆڵکردنە چاوی خەڵکە

ناس کورد-

پەرلەمانتارێکى گۆڕان لە بەغدا دەڵێت، کۆبونەوەى سەرۆکایەتیەکانى هەرێم بۆ نمایش و خۆڵکردنە چاوى خەڵکە نەک بۆ چارەسەرکردنى کێشەکانى بۆیە لەگەڵ بەشداریکردنى فراکسیۆنەکەیاندا نییە.

کەناڵی ناس کورد لە تێلیگرام جۆین بکە   

 

بەرەبەیانی دوێنێ پێنجشەممە (12ی تشرینی دووەمی 2020)، پەرلەمانی عێراق بەبێ بەشداری کورد پڕۆژەیاسای پڕکردنەوەى کورتهێنانی دارایی پەسەند کرد بە جۆرێک هەرێمی کوردستانی بێبەش کرد ئەو 320 ملیار دینارەى کە بڕیارە بەغدا بۆ هەرێمی بنێرێت.

 

کاوە محەمەد، پەرلەمانتارى فراکسیۆنى گۆڕان لە پەرلەمانى بەغدا تایبەت بە ناس کوردى (13ی تشرینی دووەمی 2020) ڕاگەیاند، "وەکو بۆچۆنى شەخسى خۆم پێموایە فراکسیۆنى گۆڕان بەشدارى کۆبونەوەى سەرۆکایەتیەکانى هەرێم ناکات."

 

لەبارەى هۆکارى بەشدارنەکردنى فراکسیۆنەکەیانەوە، کاوە محەمەد جەختى لەسەر ئەوەش کردەوە، "دەیانەوێت ئێمە بەشدارى پێبکەن نەک بۆ ئەوەى کێشەکان چارەسەر بکەن بەڵکو نمایشێک بکەن گوایە هەموو لایەنەکان بە یەکڕیزییەوە مامەڵە لەگەڵ بەغدا دەکەن و دواتریش لەسەر هەمان سیاسەتى خۆیان بەردەوام دەبن."


پەرلەمانتارەکەى گۆڕان ئاماژەى بۆ ئەوەش کرد، "خواستى کۆبوونەوەکە لەسەر داواکارى مەسعود بارزانى بووە کە هیچ سیفەتێکى فەرمى نییە و ئێمەش ئەزمونێکى زۆرمان لەسەر ئەو جۆرە کۆبوونەوە و سەرۆکایەتیانەدا هەیە کە کۆبوونەوەکان بۆ چارەسەرکردنى کێشەکان نییە بەڵکو بۆ خۆڵکردنە چاوى خەڵکە".

کاوە محەمەد ئەوەشى خستووەتەڕوو، ئەوان نایانەوێت ببنە بەشێک لەو سیستمە گەندەڵەى ئەوان چونکە ئێمە نمایشمان نەکردووە "بەڵکو ئەوەى توانیومانە لەسەر موچە و مافەکانى خەڵک شەڕى خۆمان کردووە."


لەسەر بڕیارەکەى پەرلەمانی عێراق، بڕیارە ڕۆژی یەکشەممە (15ی تشرینی دووەمی 2020) هەر سێ سەرۆکایەتییەکەی هەرێم و سەرۆکی فراکسیۆنە کوردییەکان لە بەغدا کۆببنەوە.