گه‌ڕان

Shadow Shadow
سیاسه‌تی

ڕاگەیەندراوێک لە داراییەوە

ڕاگەیەندراوێک لە وەزارەتی دارایی هەرێمەوە

2020.11.09 - 14:29
App store icon Play store icon Play store icon
ڕاگەیەندراوێک لە وەزارەتی دارایی هەرێمەوە

ناس کورد-

وەزارەتی دارایی هەرێم ڕایگەیاند، بە ئاڕاستەی ئەنجامدانی چاکسازی لە دیوانی وەزارەتی دارایی و ئابوری، سیستەمێكی تۆماركردنی زانیاری بۆ خانەنشینان درووست كرا.

کەناڵی ناس کورد لە تێلیگرام جۆین بکە   

 

لەڕاگەیەندراوێکدا وەزارەتی دارایی هەرێم ڕایگەیاند: "ئەمڕۆ دووشەممە ڕێكەوتی 9ی ئەیلولی 2020 بە ئاراستەی ئەنجامدانی چاكسازی لە دیوانی وەزارەتی دارایی و ئابوری بە ئامادەبوونی بریكاری وەزارەتی پلاندانان و هەردوو ڕێكخراوی (UNDP) و (USAID) لەگەڵ بەڕێوبەرایەتی گشتی خانەنشینی بە مەبەستی دروستكردنی سیستەمێكی تۆماركردنی سەرجەم زانیارییەكان بۆ خانەنشینانی هەرێمی كوردستان كۆبوونەوە."

 

ئاماژەی بەوەشکردووە: " لەسەرەتای كۆبوونەوەكەدا لە لایەن زاگرۆس فەتاح، بریکاری وەزیری پلاندانان، پوختەی سیستمەكە بۆ وەزیری دارایی و ئابوری خرایە ڕوو كە چۆن دەستكراوە بە ئامادەكاری بە مەبەستی درووستكردنی سیستمێكی زانیاری پێشكەوتوو بۆ بەڕێوبەرایەتی گشتی خانەنشینی هەرێمی كوردستان."

 

ئەوەش هاتووە: " پاشان نوێنەرانی هەردوو ڕێكخراوەكە ناوەڕۆكی سیستمەكەیان بۆ وەزیری دارایی و ئابوری شیكردەوە و تیشك خرایە سەر گرنگی ئەم سیستمە كە هەنگاوێكی گونجاوە بۆ ئاراستەكانی حكومەتی هەرێم بە ڕووی چاكسازیدا."

 

بەگوێرەی ڕاگەیەندراوەکە: " لە كۆتاییدا وەزیری دارایی و ئابوری ئاوات جەناب نوری، ئامادەیی وەزارەتی پیشاندا كە بە پێی توانا هاوكاری تەواو بۆ پێشخستن و بەردەوامی ئەو سیستمە بدات. جێگای باسكردنە ئەم سیستمە چەند گرنگییەكی بەرچاوی هەیە لەوانەش(نەهێشتنی خانەنشینی دووبارە، دیاریكردنی بڕی شایستەی خانەنشینی و پاراستنی دۆسییەكان) لە هەمان كاتدا ڕۆتین كەمدەبێتەوە و مامەڵەكانی خانەنشینی خێراتر دەبێت."