گه‌ڕان

Shadow Shadow
سیاسه‌تی

ترەمپ بەر لە رۆشتن رێوشوێنێك دەگرێتە بەر بەرامبەر ئێران

2020.11.08 - 22:07
App store icon Play store icon Play store icon
ترەمپ بەر لە رۆشتن رێوشوێنێك دەگرێتە بەر بەرامبەر ئێران

ناس كورد-

ماڵپەڕی ئەكسیۆسی ئەمەریكی بڵاویكردەوە ئیدارەی ترەمپ بەنیازی "لافاوێك سزایە" لەو چەند هەفتەی ماویەتی دژ بە ئێران.

 

کەناڵی ناس کورد لە تێلیگرام جۆین بکە   

ماڵپەڕەكە لە هەواڵێكدا كە "ناس كورد" بەدواداچوونی بۆ كردووە (8ی تشرینی دووەمی 2020) باس لەوە دەكات ئەم هەنگاوە بەهاندان و پشتیوانی وڵاتانی كەنداو و ئیسرائیل دەبێت و لەدوو مانگی كۆتایی تەمەنی ئیدارەی ترەمپدایە بەر لەرادەستكردنی دەسەڵات بەتەواوەتی لە 20 كانونی دووەمی 2021 بە ئیدارەی بایدن.

 

پێشتر سەرۆک کۆمارى ئێران ڕایگه‌یاند، هیواخوازن ئیدارەى نوێی ئەمەریکا پەندى لە چەند ساڵى ڕابردوو وەرگرتبێت و ئیدى مل بۆ یاسا و بڕیارە نێودەوڵەتییەکان بدات و بگەڕێتەوە بۆ ڕێککەوتنە ئەتۆمییەکە.

 

ئاژانسى ئێرناى ئێرانى لە هەواڵێکیدا کە ناس کوردى بەدواداچوونى بۆ کردووە (7ى تشرينى دووەمى 2020) دەڵێت، ڕۆحانى لە میانەى کۆبونەوەیەکیدا لەگەڵ لیژنەى باڵاى بەرەنگاربوونەوەى کۆرۆنا ڕایگەیاندووە، هیوادارن ئیدارەى نوێ ئەمەریکا لەوە تێبگات کە سزا سەپێنراوەکانى سەر ئێران لەلایەن ئەو وڵاتەوە هیچ ئامانجێکى خۆى نەپێکاوە. 

 

ڕۆحانى وتووشیەتى، "دەبێت ئیدارەى نوێ ئەمەریکا پەند لە سێ ساڵى ڕابردوو وەربگرێت و یاساو بڕیارە نێو دەوڵەتیەکان جێبەجێ بکات و پابەندى جێبەجێکردنى ڕێکەوتنە ئەتۆمییەکە بێت".

 

ڕۆحانى ئاماژەى بۆ ئەوەش کردووە، گەلى ئێرانى بەرهەمى ئارامگرى چەند ساڵەى خۆیان دەچننەوە کە توانییان بەهۆى سەپاندنى سزاکان و چەندین قەیرانى ترەوە خۆڕاگربن. 

 

 ڕۆحانى دەشڵێت، وڵاتەکەى بەشێوەیەکى بێ وێنە بەرەنگارى تیرۆرى ئابورى ئەمەریکا بوویەوە و لەسەر ئەو خۆڕاگریەش بەردەوام دەبێت تا ئەوکاتەى ئەمەریکا مل بۆ یاسا و بڕیارە نێو دەوڵەتیەکان دەدات.