گه‌ڕان

Shadow Shadow
سیاسه‌تی

’شوێنمان بۆ دیاری مەکەن’

هۆشدارییەکى توند لەپەکەکەوە بۆ پارتى: تاقیمان مەکەنەوە

2020.11.08 - 21:54
App store icon Play store icon Play store icon
هۆشدارییەکى توند لەپەکەکەوە بۆ پارتى: تاقیمان مەکەنەوە

ناس کورد-

پەکەکە هۆشداریی توند دەداتە پارتى و دەڵێت پێویستە کەس هێزەکانیان تاقینەکاتەوە و شوێنیان بۆ دیارینەکات کە پێویستە لەکوێ بن.

 

کەناڵی ناس کورد لە تێلیگرام جۆین بکە   

کۆمیتەى بەڕێوەبەرى پەکەکە (8ی تشرینی دووەمی 2020) لە بەیاننامەیەکدا كه‌ وێنه‌یه‌كی ده‌ست ناس كورد كه‌وتووه‌ رایگەیاند، "پێویستە هیچ کەسێک هێزەکانی پەکەکە تاقینەکاتەوە و حسابی ئەوە نەکات کە پەکەکە لاواز بووە".



ئاماژەى بەوەشکردووە "پێویست ناکات ئەو کەسانەی لە کۆشکەکاندا دانیشتوون بڵێن، پەکەکە پێویستە لە فڵان دەڤەری کوردستان بێت و لە فیسار دەڤەر نەبێت".

 

کۆمیتەى بەڕێوەبەرى پەکەکە ئاماژەى بەوەشکردووە "بانگەوازییان لە بەڕێوەبەری پەدەکە کردووە کە پێویستە پەیوەندیان لەگەڵ تورکیا بپچڕێنن و لەسەر بناغەی هەبوونی نەتەوەیی و دیموکراتی کورد، پەیوەندیەکان هەموار بکرێنەوە، بەڵام پەدەکە بە شێوەیەکی نەرێنی لەبەرانبەر بانگەوازەکانمان جوڵایەوە".

 

دەشڵێت "پارتى دوای خواکورک و حەفتانین لە گارە دەستی بە جموجۆڵی سەربازی کرد. ئەم دۆخەش بووەتە هەوڵێکی تێکدەرانە کە خزمەتی دوژمنانی کورد دەکات".

 

4ی ئەم مانگە لە ڕوبەڕوبونەوەیەکی تەمومژاوی هێزەکانی نزیک لە پارتی دیموکراتی کوردستان و هێزەکانی پەکەکەدا لە چەمانکێ، پێشمەرگەیەک گیانیلەدەستدا و دوو پێشمەرگەی دیکەش برینداربوون.