گه‌ڕان

Shadow Shadow
سیاسه‌تی

دووەم رۆژى دواى شکست

ترەمپ جارێکى تر دەست بە یارى گۆڵف دەکاتەوە

2020.11.08 - 21:29
App store icon Play store icon Play store icon
ترەمپ جارێکى تر دەست بە یارى گۆڵف دەکاتەوە

ناس کورد-

دۆناڵد ترەمپ بۆ رۆژى دووەم لەسەریەک دەستیکرد بە یارى گۆڵف، دواى شکستهێنانى بەرانبەر جۆ بایدن لە هەڵبژاردنى سەرۆکایەتى ئەمریکادا.

 

کەناڵی ناس کورد لە تێلیگرام جۆین بکە   

بەپێی میدیاکانى ئەمریکا (8ی تشرینی دووەمی 2020) کە ناس کورد بەدواداچونى بۆ کردووە، ترەمپ رۆژى شەممە ماوەى چوار کاتژمێرى لە یارى گۆڵف بەسەر بردووە لە گۆڕەپانى تایبەت بەخۆى لە شارى ستيرلنغى ڤێرجینیا.

 

هەروەها بۆ رۆژى دووەم لەسەریەک، ترەمپ سەرلەبەیانى یەکشەممە چووەتەوە هەمان گۆڕەپان بۆ ئەنجامدانى وەرزش و یارى گۆڵف.

 

ترەمپ تا ئێستا رەتیدەکاتەوە دان بە شکستیدا بنێت لە هەڵبژاردنى سەرۆکایەتى، لەکاتێکدا جۆ بایدنى رکەبەرى سەرکەوتنى لە هەڵبژاردنەکەدا راگەیاندووە.  

 

ترەمپ (8ی تشرینی دووەمی 2020) لە چەند تویتێکدا کە ناس کورد دیویەتى نوسیویەتى "ئەم هەڵبژاردنە دزراوە، ئەمانە دزن و بەرپرسانى شارە گەورەکانیش گەندەڵن".  

  

هەروەها جارێکى تر جەختیکردووەتەوە کە ساختەکاریی لە هەڵبژاردندا کراوە.  

بەپێی کەناڵى سی ئێن ئێنى ئەمریکى، جارید کۆشنەرى زاوى ترەمپ بەردەوامە لەقسەکردن لەگەڵیدا بۆ ئەوەى دان بە شکستیدا بنێت.  

  

بەوتەى کایت بيدنجفيلد جێگرى بەرپرسى هەڵمەتى هەڵبژاردنى بایدن، هیچ پەیوەندییەک لەنێوان ترەمپ و بایدیندا نەبووە تا ئێستا و هیچ نوێنەرێکیشیان پەیوەندیان بەیەکەوە نەکردووە، لەو کاتەوە کە بایدن سەرکەوتنى راگەیاندووە.